ഐശ്വര്യ റായ്‌ ബച്ചന്റെ പിതാവ്‌ അന്തരിച്ചു
Story Dated: Sunday, March 19, 2017 10:47 hrs EDT  
PrintE-mail



മുംബൈ : ഐശ്വര്യ റായ്‌ ബച്ചന്റെ പിതാവ്‌ കൃഷ്‌ണരാജ്‌ റായ്‌ അന്തരിച്ചു. ശനിയാഴ്‌ച മുംബൈ ലീലാവതി ആശുപത്രിയിലായിരുന്നു അന്ത്യം. അര്‍ബുദ രോഗത്തെ തുടര്‍ന്നാണ്‌ മരണം സംഭവിച്ചത്‌. ഒരു മാസം മുന്‍പാണ്‌ അദ്ദേഹത്തെ അസുഖത്തെ തുടര്‍ന്ന്‌ ആശുപത്രിയില്‍ പ്രവേശിപ്പിച്ചത്‌. കഴിഞ്ഞ ശനിയാഴ്‌ച രോഗം മൂര്‍ച്ഛിച്ചതിനെ തുടര്‍ന്ന്‌ തീവ്രപരിചരണ വിഭാഗത്തില്‍ പ്രവേശിപ്പിച്ചിരിക്കുകയായിരുന്നു. തുടര്‍ന്ന്‌ വെന്റിലേറ്ററിലേക്ക്‌ മാറ്റുകയും ചെയ്‌തിരുന്നു. ശനിയാഴ്‌ച ഉച്ചയോടെ അന്ത്യം സംഭവിച്ചു. പിതാവിനെ ആശുപത്രിയില്‍ പ്രവേശിച്ചതോടെ ദുബായ്‌ യാത്ര അവസാനിപ്പിച്ച്‌ ഐശ്വര്യ റായ്‌ തിരിച്ചെത്തിയിരുന്നു. അമേരിക്കയിലായിരുന്ന അഭിഷേക്‌ ബച്ചനും ആശുപത്രിയില്‍ എത്തി. മരണവാര്‍ത്ത അറിഞ്ഞതിനെ തുടര്‍ന്ന്‌ നിരവധി പ്രമുഖര്‍ ലീലാവതി ആശുപത്രിയിലെത്തി. വൃന്ദയാണ്‌ കൃഷ്‌ണരാജിന്റെ ഭാര്യ. മര്‍ച്ചന്റ്‌ നേവി ഉദ്യോഗസ്ഥനായ ആദിത്യ മകനാണ്‌.

നിങ്ങളുടെ അഭിപ്രായങ്ങൾ


PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.