അട്ടപ്പാടിയില് ആദിവാസി യുവാവിനെ മര്ദ്ദിച്ച് കൊലപ്പെടുത്തിയ സംഭവത്തില് രണ്ട് പേരെ അറസ്റ്റ് ചെയ്തു. അഞ്ച് പേര് ഇപ്പോഴും പൊലീസ്കസ്റ്റഡിയിലാണ്. രാവിലെ പിടികൂടിയ ഏഴ് പേരില് രണ്ട് പേരുടെ അറസ്റ്റ് ഉച്ചയോടെ രേഖപ്പെടുത്തുകയായിരുന്നു. പ്രതികള്ക്കെതിരെ കൊലക്കുറ്റത്തിന് കേസ് രജിസ്റ്റര് ചെയ്തിട്ടുണ്ട്. ഹുസൈൻ, അബ്ദുൾ കരീം, ഉബൈദ് എന്നിവരാണ് കസ്റ്റഡിയിലുള്ള മൂന്ന് പേർ. എൻ.ഷംസുദ്ദീൻ എംഎൽഎയുടെ സഹായിയാണ് ഉബൈദ്. മധുവിനെ കാട്ടില് കയറി പിടിച്ചുകൊണ്ടുവന്നവരില് ഇയാളും ഉള്പ്പെട്ടിട്ടുണ്ടെന്ന് പൊലീസ് പറഞ്ഞു. സംഭവത്തില് മനുഷ്യാവകാശ കമ്മീഷനും എസ്സി-എസ്ടി കമ്മീഷനും കേസെടുത്തു.
Comments