You are Here : Home / Readers Choice

എച്ച്‌ ഐ വി മെഡിസിന്‍ അസോസിയേഷന്‍ അവാര്‍ഡ് ഡോ മോണിക്ക ഗാന്ധിക്ക്

Text Size  

പി .പി .ചെറിയാൻ

p_p_cherian@hotmail.com

Story Dated: Saturday, November 11, 2017 01:42 hrs UTC

വെര്‍ജിനിയ: എച്ച് ഐ വി മെഡിസിന്‍ വികസിപ്പിച്ചെടുക്കുന്നതിനു വിലയേറിയ സംഭാവനകള്‍ നല്‍കിയ ഇന്ത്യന്‍ അമേരിക്കന്‍ ഡോ മോണിക്ക ഗാന്ധിയെ എച്ച് ഐ വി മെഡിസന്‍ അസോസിയേഷന്‍ പ്രത്യേക അവാര്‍ഡ് നല്‍കി ആദരിച്ചു. 2017 ലെ അവാര്‍ഡിനര്‍ഹരായവരില്‍ ഗാന്ധിക്കു പുറമെ ഡോ റാഫേല്‍ ജെ ലാന്റോ വിറ്റ്‌സും ഉള്‍പ്പെടുന്നു. രണ്ടു ഡോക്ടറന്മാരും എച്ച് ഐ വി മെഡിസിന്‍ വികസിപ്പിക്കുന്ന ഗവേഷണ ങ്ങള്‍ക്ക് നേതൃത്വം നല്‍കിയതിന്റെ അംഗീകാരമാണ് അവാര്‍ഡ് എന്ന് അസോസിയേഷന്‍ ചെയര്‍മാന്‍ ഡോ വെന്റി ആസ്‌ട്രോങ്ങ് പറഞ്ഞു. യുലസി സാന്‍ഫ്രാന്‍സിസ്‌ക്കൊ എച്ച് ഐ വി ക്ലിനിക്കല്‍ ഡയറക്ടറാണ് ഡോ ഗാന്ധി.

 

 

അന്താരാഷ്ട്രതലത്തില്‍ അംഗീകരിക്കപ്പെടുന്ന ക്ലിനീഷനും എഡുക്കേറ്ററുമാണ് ഇന്ത്യന്‍ വംശജയായ മോണിക്ക ഗാന്ധി. ഗ്രാമങ്ങളിലും ഭവന രഹിതരിലും കുടിയേറ്റക്കാരായി കഴിയുന്ന 2,800 എച്ച് ഐ വി രോഗബാധിതരെ പരിചരിക്കുന്നതിനും ഗവേഷണം നടത്തുന്നതിനും ഗാന്ധി പ്രത്യേകം താല്പര്യം പ്രകടിപ്പിച്ചിരുന്നു. യു എസ് എ, പെറു, കെനിയ, ഇന്ത്യാ, സൗത്ത്, ആഫ്രിക്ക തുടങ്ങിയ രാജ്യങ്ങള്‍ സന്ദര്‍ശിച്ച് എച്ച് ഐ വി രോഗബാധിതരെ ശുശ്രൂഷിക്കുന്നതെങ്ങനെയെന്നു പരിശീലനം നല്‍കുന്നതിനും ഡോ. ഗാന്ധി ശ്രദ്ധിച്ചിരുന്നു. ഹാര്‍വാര്‍ഡ് യൂണിവേഴ്‌സിറ്റിയില്‍ നിന്നും മെഡിക്കല്‍ ബിരുദം നേടിയ ഗാന്ധിക്കു മറ്റു നിരവധി അവാര്‍ഡുകളും ലഭിച്ചിട്ടുണ്ട്.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Readers Choice
More
View More