You are Here : Home / വെളളിത്തിര

നാദിര്‍ഷ ചിത്രത്തില്‍ നിന്നും ദിലീപ് പിന്മാറിയതായി സൂചന

Text Size  

Story Dated: Friday, September 07, 2018 11:18 hrs EDT

മലയാള സിനിമയില്‍ ആദ്യ ചിത്രത്തിലൂടെ തന്നെ വിജയ സംവിധായകന്‍ ആയി മാറിയ വ്യക്തിയാണ് നാദിര്‍ഷ. താരം ദിലീപിനെ നായകനാക്കി മൂന്നാമതൊരു സിനിമ കൂടി സംവിധാനം ചെയ്യുന്നതായി റിപ്പോര്‍ട്ടുകള്‍ വന്നിരുന്നു. കേശു ഈ വീടിന്റെ നായകന്‍ എന്ന് പേരിട്ടിരിക്കുന്ന ചിത്രത്തിനെക്കുറിച്ച്‌ വന്നിരിക്കുന്ന പുതിയ റിപ്പോര്‍ട്ടില്‍ ചിത്രത്തില്‍ നിന്നും ദിലീപ് പിന്മാറിയതായി സൂചന.
 
 
 
സജീവ് പാഴൂര്‍ തിരക്കഥ ഒരുക്കുന്ന കേശു ഈ വീടിന്റെ നാഥനില്‍ ദിലീപ് പ്രായമുള്ളൊരു കഥാപാത്രമായാണ് അഭിനയിക്കുന്നതെന്നും പ്രചരിച്ചിരുന്നു. കൂടാതെ ദിലീപിന്റെ നായികയായി ഉര്‍വ്വശി എത്തുമെന്നും വാര്‍ത്തകള്‍ വന്നിരുന്നു.എന്നാല്‍ ടൈംസ് ഓഫ് ഇന്ത്യയുടെ പുതിയ റിപ്പോര്‍ട്ട് പ്രകാരം ചിത്രത്തില്‍ നിന്നും ദിലീപ് പിന്മാറിയിരിക്കുകയാണ്. കമ്മാരസംഭവമെന്ന ചിത്രത്തില്‍ പ്രായമുള്ളൊരു കഥാപാത്രത്തെ ദിലീപ് അവതരിപ്പിച്ചിരുന്നു. ഒരു വര്‍ഷത്തിനുള്ളില്‍ ഒരുപോലെയുള്ള കഥാപാത്രം ചെയ്യുന്നതിനോട് താല്‍പര്യമില്ലാത്തത് കൊണ്ടാണ് ആ വേഷത്തില്‍ നിന്നും താരം പിന്മാറിയതെന്നു സൂചന.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Featured News
View More