പാക്സേനയുടെ പിടിയിലായ ഇന്ത്യന്‍ വ്യോമ സേനയിലെ വി൦ഗ് കമാന്‍ഡര്‍ അഭിനന്ദന്‍ വര്‍ത്തമാനെ വരവേല്‍ക്കാനൊരുങ്ങി ബോളിവുഡ്.
വെല്‍കം ഹോം അഭിനന്ദന്‍ എന്ന ഹാഷ്ടാഗോടെയുള്ള താരങ്ങളുടെ പോസ്റ്റാണ് സമൂഹ മാധ്യമങ്ങളില്‍ വൈറലാകുന്നത്.
താങ്കളുടെ ധൈര്യത്തിനും ധീരതയ്ക്കും ഞങ്ങളുടെ സല്യൂട്ട്. ഈ കഷ്ടകാലത്ത് നിങ്ങള്‍ കാണിച്ച കരുത്തിനെ അഭിനന്ദിക്കുന്നു- ബോളിവുഡ് നിര്‍മ്മാതാവും സംവിധായകനുമായ കരണ്‍ ജോഹര്‍ ട്വിറ്ററില്‍ കുറിച്ചു.
'എല്ലാവരും താങ്കളുടെ വരവിനായി കാത്തിരിക്കുകയാണ്. നിങ്ങളില്‍ ഞങ്ങള്‍ അഭിമാനിക്കുന്നു. ഇന്ത്യയുടെ ധീരപുത്രന് സല്യൂട്ട്'- ബോളിവുഡ് താരം ഇമ്രാന്‍ ഹഷ്മി കുറിച്ചു.
അഭിനന്ദനെ സ്വാഗതം ചെയ്തും, അഭിനന്ദനം അറിയിച്ചും നടന്‍ അനുപം ഖേറും രംഗത്തെത്തി.
അതിര്‍ത്തി ലംഘിച്ചെത്തിയ പാക് വിമാനങ്ങളെ തുരത്തുന്നതിനിടെയാണ് മിഗ് 21 വിമാനം തകര്‍ന്ന് പൈലറ്റ് അഭിനന്ദന്‍ വര്‍ത്തമാന്‍ പാക് സൈന്യത്തിന്‍റെ പിടിയിലായത്.
Comments