ന്യൂഡല്ഹി: സ്വച്ഛ് ഭാരത യജ്ഞം മാര്ക്കറ്റിങ് തന്ത്രം മാത്രമെന്ന് കോണ്ഗ്രസ് ഉപാധ്യക്ഷന് രാഹുല് ഗാന്ധി. മാര്ക്കറ്റിങ്ങും ഫോട്ടോയെടുക്കലും ജനങ്ങള്ക്ക് ഗുണം ചെയ്യില്ല. വ്യവസായികളെ സഹായിക്കാന് വേണ്ടി മാത്രമാണ് പ്രധാനമന്ത്രി പ്രവര്ത്തിക്കുന്നതെന്നും രാഹുല് ആരോപിച്ചു.
അധികാരത്തില് വന്നപ്പോള് നല്ല നാളുകള് വരാന് പോകുന്നുവെന്നാണ് മോദി പറഞ്ഞത്. മാസങ്ങള് കഴിഞ്ഞിട്ടും ജീവിതനിലവാരം ഉയര്ന്നിട്ടില്ല. വ്യവസായികളുമായി വിമാനത്തില് ആസ്ട്രേലിയന് യാത്ര നടത്തുകയാണ് പ്രധാനമന്ത്രി ചെയ്യുന്നത്. പാവങ്ങള്ക്കായി പ്രവര്ത്തിച്ചത് യു.പി.എ മാത്രമാണെന്നും രാഹുല് ചൂണ്ടിക്കാട്ടി.
Comments