സംസ്ഥാനത്ത് സാമ്പത്തിക പ്രതിസന്ധിയില്ലെന്ന് ധനമന്ത്രി കെ എം മാണി. കരാറുകാര്‍ക്കുള്ള കുടിശിക വിതരണം ചെയ്യുന്നുണ്ടെന്നും അവശ്യ മേഖലകള്‍ക്കെല്ലാം പണം അനുവദിക്കുന്നുണ്ടെന്നും അദ്ദേഹം നിയമസഭയെ അറിയിച്ചു. സാമ്പത്തിക ബുദ്ധിമുട്ട് നേരിടുന്നുണ്ട്. എന്നാല്‍ കടുത്ത പ്രതിസന്ധിയാണെന്ന് വരുത്തിത്തീര്‍ക്കാനാണ് പ്രതിപക്ഷം ശ്രമിക്കുന്നതെന്ന് മന്ത്രി പറഞ്ഞു.

പുതിയ തസ്തികകള്‍ സൃഷ്ടിക്കുന്നതിന് നിയന്ത്രണം ഏര്‍പ്പെടുത്തിയിട്ടുണ്ട്. 2015 മാര്‍ച്ച് 31 വരെയാണ് നിയന്ത്രണം. പൊതു വിപണിയില്‍നിന്ന് സംസ്ഥാനം കടമെടുത്തിട്ടുണ്ട്. ഇനിയും കടമെടുക്കാന്‍ കഴിയുമെന്നും മന്ത്രി പറഞ്ഞു.