കന്യാസ്ത്രീയെ ലൈംഗികമായി പീഡിപ്പിച്ചുവെന്ന ആരോപണം നേരിടുന്ന ജലന്ധര് ബിഷപ്പ് ഫ്രങ്കോ മുളക്കലിന്റെ മൊബൈല് ഫോണ് രേഖകള് ഹാജരാക്കണമെന്ന് പാലാ മജിസ്ട്രേറ്റ് കോടതി ആവശ്യപ്പെട്ടു. എയര്ടെല്, ബി.എസ്.എന്.എല് മൊബൈല് സേവന ദാതാക്കളോടാണ് 18-ാം തീയതിക്ക് മുന്നെ രേഖകള് ഹാജരാക്കാന് ആവശ്യപ്പെട്ടത്. 2014 മുതല് 2016 വരെയുള്ള മൊബൈല് രേഖകള് ഹാജരാക്കണമെന്നാവശ്യപ്പെട്ട് അന്വേഷണ ഉദ്യോഗസ്ഥര് മൊബൈല് കമ്പനികളെ സമീപിച്ചിരുന്നുവെങ്കിലും ഇതിന് കമ്പനികള് തയ്യാറായിരുന്നില്ല. ആവശ്യമെങ്കില് 2016-ന് ശേഷമുള്ളവ ഹാജരാക്കാമെന്നായിരുന്നു മൊബൈല് കമ്പനികളുടെ നിലപാട്.
Comments