വിധിയില് പൂര്ണ തൃപ്തയല്ലെന്ന് ടി.പിയുടെ വിധവ കെ.കെ രമ. വെറുതെ വിട്ടവര് സന്തോഷിക്കേണ്ടതില്ലെന്നും ഈ കേസില് അപ്പീല് പോവുമെന്നും അവര് അറിയിച്ചു. ഒപ്പം സി.ബി.ഐ അന്വേഷണം ആവശ്യപ്പെടുമെന്നും അവര് പ്രതികരിച്ചു. വധത്തില് സി.പി.എമ്മിന്റെ പങ്ക് തെളിഞ്ഞിരിക്കുന്നുവെന്നും അവര് അറിയിച്ചു. പ്രോസിക്യൂഷനും അന്വേഷണ സംഘവും നല്ല രീതിയില് പ്രവര്ത്തിച്ചുവെന്നും വിധിയുടെ പകര്പ്പ് കയ്യില് കിട്ടിയ ശേഷം കൂടുതല് പ്രതികരിക്കാമെന്നും അവര് പറഞ്ഞു. വിധിയില് പൂര്ണമായി തൃപ്തിയില്ലെന്നും കോടതി വിധിയെ മാനിക്കുന്നുവെന്നും ടി.പിയുടെ മകന് നന്ദുവും പ്രതികരിച്ചു. ഇരുവരും വിധി കേള്ക്കാന് കോടതിയില് എത്തിയിരുന്നു.
Comments