ശബരിമലയില് സ്ത്രീകളെ തടയാന് ശ്രമിച്ചതുമായി ബന്ധപ്പെട്ട വധശ്രമക്കേസില് ബിജെപി സംസ്ഥാന ജനറല് സെക്രട്ടറി കെ.സുരേന്ദ്രന് ഹൈക്കോടതി ജാമ്യം അനുവദിച്ചു. കര്ശന ഉപാധികളോടെയാണ് ജാമ്യം. സുരേന്ദ്രന് പത്തനംതിട്ട ജില്ലയില് പ്രവേശിക്കാന് പാടില്ല എന്നതാണ് പ്രധാന ഉപാധി. 21 ദിവസത്തിന് ശേഷമാണ് സുരേന്ദ്രന് ജയില് മോചിതനാകുക. റാന്നി താലൂക്കില് പ്രവേശിക്കാന് പാടില്ല എന്ന പത്തനംതിട്ട മജിസ്ട്രേറ്റ് കോടതിയുടെ ഉപാധി നിലവിലുണ്ട്. ജാമ്യാപേക്ഷയെ വെള്ളിയാഴ്ചയും സര്ക്കാര് ശക്തമായി എതിര്ത്തു. സുരേന്ദ്രന് ജാമ്യത്തിലിറങ്ങിയാല് ശബരിമലയില് കലാപത്തിന് ശ്രമിക്കുമെന്ന് സര്ക്കാര് അഭിഭാഷകന് വാദിച്ചു. എങ്കിലും ഉപാധികളോടെ ജാമ്യം നല്കാം എന്ന് ഹൈക്കോടതി തീരുമാനിക്കുകയായിരുന്നു
Comments