മണ്വിളയിലെ ഫാമിലി പ്ലാസ്റ്റിക്ക് വ്യവസായ ശാലയ്ക്ക് തീയിട്ടത് ജീവനക്കാര് തന്നെയെന്ന് പൊലീസ്. പൊലീസ് കസ്റ്റഡിയിലെടുത്ത ചിറയിന്കീഴ് സ്വദേശി വിമല്, കഴക്കൂട്ടം സ്വദേശി ബിനു എന്നിവര് കുറ്റം സമ്മതിച്ചു. ശമ്പളം വെട്ടിക്കുറച്ചതില് പ്രതിഷേധിച്ചാണ് തീയിട്ടതെന്ന് പ്രതികള് പൊലീസിനോട് പറഞ്ഞു. ഇവരുടെ അറസ്റ്റ് ഇന്ന് രേഖപ്പെടുത്തുമെന്ന് അസിസ്റ്റന്റ് കമ്മീഷണര് ആര്.അനില്കുമാര് പറഞ്ഞു. പ്ലാസ്റ്റിക് സാധനങ്ങള് പാക്കുചെയ്യുന്ന കവറില് ലൈറ്റര്കൊണ്ട് വിമല് തീകൊളുത്തി ഇടുകയായിരുന്നു. വേണ്ട സഹായങ്ങള് ചെയ്ത് കൊടുത്തത് ബിനുവായിരുന്നു.അതേസമയം പ്രതികളില് ഒരാള്ക്ക് മാനസിക അസ്വാസ്ഥ്യമുണ്ടെന്ന് പൊലീസ് പറഞ്ഞു.
Comments