ലൈംഗികാതിക്രമ ആരോപണം നേരിടുന്ന വിദേശകാര്യ സഹമന്ത്രി എംജെ അക്ബര് രാജിവച്ചതായി സൂചന. മീടൂ ക്യാമ്ബെയിനില് നിരവധി സ്ത്രീകള് ലൈംഗിക അതിക്രമത്തിന് ആരോപണമുന്നയിച്ചതോടെ എംജെ അക്ബറിന്റെ രാജിക്കും സമ്മര്ദ്ദമേറിയ സാഹചര്യത്തിലാണ് വിദേശത്തായിരുന്ന അക്ബര് ഞായറാഴ്ച രാവിലെ ദില്ലിയില് തിരിച്ചെത്തിയത്. എന്നാല് ആരോപണത്തില് പ്രതികരിക്കാന് അദ്ദേഹമോ സര്ക്കാര് വൃത്തങ്ങളോ തയ്യാറായിട്ടില്ല.
അതേസമയം വിദേശകാര്യമന്ത്രി സുഷമ സ്വരാജുമായി കൂടിക്കാഴ്ച നടത്താന് എംജെ അക്ബര് സമയം ആവശ്യപ്പെട്ടിട്ടുണ്ടെന്നാണ് സൂചന. ചില പ്രമുഖ മാധ്യങ്ങളും അദ്ദേഹത്തിന്റെ രാജി സ്ഥിരീകരിച്ച് വാര്ത്തകളും പുറത്തുവിടുന്നുണ്ട്. എന്നാല് ഇതുവരെ ഔദ്യോഗിക സ്ഥിരീകരണം ആയിട്ടില്ലെന്നാണ് വിവരം. എംജെ അക്ബറിന്റെ രാജിക്കായി സമ്മര്ദ്ദം ശക്തമായിട്ടുണ്ട്. അക്ബറിനെ സംരക്ഷിക്കേണ്ടെന്ന നിലപാടാണ് പല മുതിര്ന്ന ബിജെപി നേതാക്കള്ക്കും. രാജി സ്വയം തീരുമാനിക്കട്ടെ എന്ന സൂചനയാണ് സര്ക്കാര് വൃത്തങ്ങള് നല്കുന്നത്. വിഷയത്തില് പ്രധാനമന്ത്രി നരേന്ദ്ര മോദിയുടെ അന്തിമ തീരുമാനം കൈക്കൊള്ളേണ്ടത്.
എംജെ അക്ബറിനെതിരെ ആരോപണവുമായി കൂടുതല് മാധ്യമപ്രവര്ത്തകര് രംഗത്തെത്തിയിരുന്നു. നേരത്തെ മാധ്യമപ്രവര്ത്തകനായിരുന്ന എംജെ അക്ബറില് നിന്ന് ലൈംഗിക അതിക്രമം നേരിട്ട സ്ത്രീകളാണ് എംജെ അക്ബറിനെതിരെ ആരോപണം ഉന്നയിച്ച് രംഗത്തെത്തിയിട്ടുള്ളത്. ഇതില് ഭൂരിഭാഗവും മാധ്യമപ്രവര്ത്തകരാണ്. മാധ്യമ പ്രവര്ത്തക പ്രിയ രമണിയാണ് മീടൂ കാമ്ബെയിനിന്റെ ഭാഗമായി ആദ്യം അക്ബറിനെതിരെ ആരോപണമുന്നയിച്ചത്.
അക്ബര് ലൈംഗിക അതിക്രമം നടത്തിയെന്ന് മാധ്യമപ്രവര്ത്ത ഗസാല വഹാബും തുറന്നെഴുതി. 'മന്ത്രിയും മുന് എഡിറ്ററുമായ എം ജെ അക്ബര് എന്നെ പീഡിപ്പിച്ചു, ലൈംഗിക അതിക്രമം നടത്തി' ഏഷ്യന് ഏജ് ദിനപത്രത്തില് ജോലി ചെയ്തപ്പോഴുള്ള അനുഭവം ഈ തലക്കെട്ടോടെയാണ് ഗസല വഹാബ് എന്ന മാധ്യമപ്രവര്ത്തക തുറന്ന് എഴുതിയത്.
ദില്ലിയിലെ ഏഷ്യന് ഏജ് ഓഫീസില് ജോലി ചെയ്ത ആറു മാസം അക്ബര് നിരന്തരം ഉപദ്രവിച്ചു. മുറിയിലേക്ക് വിളിച്ചു വരുത്തി കതക് അടച്ച ശേഷം പല വട്ടം ശാരീരിക അത്രിക്രമം നടത്തിയെന്നാണ് ആരോപണം. മന്ത്രി ദില്ലിയിലെത്തിയതിന് പിന്നാലെ അക്ബറിനോട് രാജിവയ്ക്കാന് ഉടന് ആവശ്യപ്പെടണമെന്നാവശ്യ്പ്പെട്ട് ആരോപണം ഉന്നയിച്ച മാധ്യമപ്രവര്ത്തക ഗസാല വഹാബ് രംഗത്തെത്തി. രാജി വച്ചില്ലെങ്കില് വിദേശ രാജ്യങ്ങള് അക്ബറിനെ ബഹിഷ്ക്കരിക്കണമെന്നും ഗസാല ആവശ്യപ്പെട്ടു.
Comments