ബന്ധുനിയമന വിവാദത്തില് ഫെയ്സ്ബുക്കിലൂടെ മന്ത്രി കെ.ടി ജലീല് നടത്തിയത് കുറ്റസമ്മതമെന്ന് യൂത്ത് ലീഗ്. മന്ത്രിയെ പ്രോസിക്യൂട്ട് ചെയ്യണമെന്ന് ആവശ്യപ്പെട്ട് ഗവര്ണറെ സമീപിക്കും. മന്ത്രിക്കെതിരെ സമരപരിപാടികള് ശക്തമാക്കാനാണ് യൂത്ത് ലീഗ് തീരുമാനം. മന്ത്രി കെ.ടി ജലീല് ചട്ടംമറികടന്ന് ബന്ധുവിന് മൈനോറിറ്റി ഫിനാന്സ് കോര്പ്പറേഷനില് ജനറല് മാനേജറായി നിയമനം നല്കിയെന്ന് യൂത്ത് ലീഗ് ഇന്നലെ വാര്ത്താ സമ്മേളനത്തില് ആരോപിച്ചിരുന്നു. യോഗ്യതയുള്ള ആളെ കിട്ടാത്തത് കൊണ്ടാണ് ഡെപ്യൂട്ടേഷനില് ബന്ധുവിനെ നിയമിച്ചതെന്നും ഇങ്ങനെ നിയമിക്കാന് സര്ക്കാറിന് അധികാരമുണ്ടെന്നും ആരോപണത്തിന് മറുപടിയായി മന്ത്രി ഫെയ്സ്ബുക്കില് വ്യക്തമാക്കിയിരുന്നു. എന്നാല് മന്ത്രിയുടേത് കുറ്റസമ്മതമാണെന്നും പുറത്താക്കണമെന്നുമാണ് യൂത്ത് ലീഗിന്റെ ആവശ്യം.
Comments