അനധികൃത സ്വത്തു സമ്പാദന കേസില്‍ തടവുശിക്ഷ അനുഭവിക്കുന്ന എ.ഐ.എ.ഡി.എം.കെ നേതാവും മുന്‍ തമിഴ്നാട് മുഖ്യമന്ത്രിയുമായ ജെ. ജയലളിതക്ക് ജാമ്യം. സുപ്രീംകോടതി ചീഫ് ജസ്റ്റിസ് എച്ച്.എല്‍ ദത്തു അധ്യക്ഷനായ ബെഞ്ചാണ് ജാമ്യം അനുവദിച്ചത്. നാലു വര്‍ഷം തടവുശിക്ഷയും 100 കോടി രൂപ പിഴയും വിധിച്ച ബംഗളൂരു പ്രത്യേക കോടതി വിധി സുപ്രീംകോടതി ബെഞ്ച് സ്റ്റേ ചെയ്തു.
ജാമ്യം തേടി ജയലളിത സമര്‍പ്പിച്ച അപ്പീലില്‍ ആറു മാസത്തിനുള്ളില്‍ തീര്‍പ്പു കല്‍പിക്കണമെന്നും കര്‍ണാടക ഹൈകോടതിയോട് സുപ്രീംകോടതി നിര്‍ദേശിച്ചു. ആരോഗ്യ പ്രശ്നങ്ങളും വയസും കണക്കിലെടുത്ത് ജാമ്യം അനുവദിക്കണമെന്നാണ് ജയലളിക്ക് വേണ്ടി ഹാജരായ അഭിഭാഷകന്‍ ഫാലി എസ്. നരിമാന്‍ കോടതിയില്‍ വാദിച്ചു.
Comments