കുട്ടനാട്ടില്‍ പക്ഷിപ്പനി സ്ഥിരീകരിച്ച സാഹചര്യത്തില്‍ ചൊവ്വാഴ്ച മുഖ്യമന്ത്രിയുടെ അധ്യക്ഷതയില്‍ ഉന്നതതലയോഗം വിളിച്ചു. ആരോഗ്യ, മൃഗസംരക്ഷണ വകുപ്പുകളുടെ നേതൃത്വത്തിലാണ് യോഗം. മരുന്നും മറ്റ് മുന്‍കരുതലുകളും സ്വീകരിക്കാന്‍ മൃഗസംരക്ഷണവകുപ്പിനും നിര്‍ദേശം നല്‍കി.

പക്ഷിപ്പനി മനുഷ്യരിലേക്ക് പകരാനുള്ള സാഹചര്യം കണക്കിലെടുത്ത് ആരോഗ്യ വകുപ്പ് മുന്‍കരുതല്‍ സ്വീകരിച്ചതായി ഇതുസംബന്ധിച്ച് ചേര്‍ന്ന ആരോഗ്യവകുപ്പ ്അധികൃതരുടെ യോഗത്തിനുശേഷം മന്ത്രി വി.എസ്.ശിവകുമാര്‍ അറിയിച്ചു. ആവശ്യമായ ചികിത്സാ സൗകര്യങ്ങള്‍ എര്‍െപ്പടുത്താന്‍ ആരോഗ്യ സെക്രട്ടറിക്ക് നിര്‍ദ്ദേശം നല്‍കി. മരുന്നിനും മറ്റുമായി കേന്ദ്ര ആരോഗ്യ മന്ത്രാലയത്തിന്റെ സഹായവും തേടിയിട്ടുണ്ട്