തിരുവനന്തപുത്ത് ഇന്നലെയുണ്ടായ കാറ്റിലും മഴയിലും പത്തുകോടി രൂപയുടെ നഷ്ടമുണ്ടായെന്ന് പ്രാഥമിക വിലയിരുത്തല്. നഗരത്തിലും പരിസരപ്രദേശങ്ങളിലും വൈദ്യുതി ബന്ധങ്ങള് പുനസ്ഥാപിക്കാന് കഴിഞ്ഞിട്ടില്ല. മഴക്കെടുതി വിലയിരുത്താന് മന്ത്രി വി.എസ് ശിവകുമാര് ഉദ്യോഗസ്ഥരുടെ യോഗം വിളിച്ചു. ഇന്നലെയുണ്ടായ ശക്തമായ കാറ്റില് വന്മരങ്ങള് കടപുഴകി വീണ് അനേകം വാഹനങ്ങള് തകര്ന്നിരുന്നു. റോഡില് വീണ മരങ്ങള് വെട്ടിമാറ്റിക്കൊണ്ടിരിക്കുകയാണ്. നഗരത്തിലെ താഴ്ന്ന പ്രദേശങ്ങള് വെള്ളത്തിനടിയിലായിരുന്നു. ശക്തമായ കാറ്റില് കെട്ടിടങ്ങളുടെ മേല്ക്കൂരകളും തകര്ന്നിരുന്നു.
Comments