വിവാഹേതരബന്ധം സംബന്ധിച്ച കേസുകളില് പുരുഷന്മാരെ മാത്രം കുറ്റക്കാരാക്കുന്നത് തുല്യതയ്ക്കുള്ള അവകാശത്തെ ഹനിക്കുന്നതാണെന്ന് സുപ്രീം കോടതി. നിലവിലുള്ള നിയമം വിവാഹിതരായ പുരുഷനും സ്ത്രീക്കും വ്യത്യസ്ത പരിഗണനയാണ് നല്കുന്നതെന്നും സുപ്രീം കോടതി ചൂണ്ടിക്കാട്ടി. ജോസഫ് ഷൈന് എന്നയാളാണ് പൊതുതാല്പര്യ ഹര്ജി സമര്പ്പിച്ചത്. ഭര്തൃമതിയായ സ്ത്രീയുമായി ലൈംഗികബന്ധത്തില് ഏര്പ്പെടുന്ന പുരുഷന് നിയമനടപടികള്ക്ക് വിധേയനാവുകയും കൃത്യത്തില് തുല്യപങ്കാളിയായ സ്ത്രീയെ വെറുതെവിടുകയും ചെയ്യുന്ന സാഹചര്യമാണ് ഇപ്പോഴുള്ളതെന്നും ഹര്ജിയില് ചൂണ്ടിക്കാട്ടിയിരുന്നു.
Comments