ഗോള്ഡന് ഗ്ലോബ് റേസിനിടെ അപകടത്തില്പ്പെട്ട ഇന്ത്യന് നാവികന് അഭിലാഷ് ടോമിയെ ചികിത്സയ്ക്കായി ചൊവ്വാഴ്ച ആംസ്റ്റര്ഡാം ദ്വീപിലെത്തിക്കും. ഫ്രഞ്ച് ഫിഷറീസ് പട്രോളിങ് കപ്പലായ ഓസിരിസാണ് തിങ്കളാഴ്ച ഉച്ചയോടെ അഭിലാഷിനെ രക്ഷപ്പെടുത്തിയത്. അപകടത്തില്പെട്ട് മൂന്നുദിവസങ്ങള്ക്കു ശേഷമാണ് അഭിലാഷിനെ രക്ഷപ്പെടുത്താന് സാധിച്ചത്. ഓസിരിസില്നിന്ന് രണ്ട് സോഡിയാക് ബോട്ടുകള് അഭിലാഷിന്റെ പായ്വഞ്ചിക്കരികിലെത്തുകയും പ്രാഥമിക ശുശ്രൂഷകള്ക്കു ശേഷം സ്ട്രെച്ചറിന്റെ സഹായത്തോടെ അഭിലാഷിനെ കപ്പലില് എത്തിക്കുകയുമായിരുന്നു.
Comments