ലാസ് വേഗസ്: നോര്‍ത്ത് നെല്ലിസ് ബിലവഡ് സി.സി.പിസാ റസ്റ്റോറന്റിലായിരുന്നു ഉച്ചഭക്ഷണം കഴിക്കുകയായിരുന്ന രണ്ടു പോലീസ് ഓഫീസര്‍മാരെ വെടിവെച്ചുകൊലപ്പെടുത്തിയ സംഭവം ഇന്ന് രാവിലെ ലാസ് വേഗസില്‍ നിന്നും റിപ്പോര്‍ട്ട് ചെയ്യപ്പെട്ടു.
വെടിയേറ്റു വീണ പോലീസ് ഉദ്യോഗസ്ഥരുടെ റിവോള്‍വറും, വെടിയുണ്ടയും കൈക്കലാക്കി അടുത്തുള്ള വാള്‍മാട്ടിലേക്ക് ഓടികയറുന്നതിനു മുമ്പില്‍ വഴിയില്‍ നിന്നിരുന്ന ഒരാള്‍ക്ക് നേരേയും അക്രമികള്‍ വെടിയുതിര്‍ത്തു.
ഒരു സ്ത്രീയും പുരുഷനുമാണ് ഈ അക്രമണം നടത്തിയത്. വെടിവെപ്പിനു ശേഷം വാള്‍മാര്‍ട്ടിനു പുറകിലേക്ക് ഓടിയ പുരുഷനു നേരെ സ്ത്രീവെടിക്കുകയും അതിനുശേഷം സ്വയം നിറയൊഴിച്ചു ആത്മഹത്യ ചെയ്യുകയുമാണുണ്ടായതെന്ന് ലാസ് വേഗസ് പോലീസ് വക്താവ് ലാറ ഹെഡ്ഫീല്‍ഡ് ഒരു പ്രസ്താവനയില്‍ പറഞ്ഞു.
സിസിപിസായില്‍ വെടിയേറ്റു വീഴുന്നതിനുമുമ്പ് പോലീസ് ഓഫിസര്‍ അക്രമികള്‍ക്കുനേരെ നിറയൊഴിച്ചിരുന്നു. അക്രമികള്‍ ഉള്‍പ്പെടെ അഞ്ചുപേരാണ് ഇന്നത്തെ ഈ വെടിവെപ്പില്‍ കൊല്ലപ്പെട്ടത്.
സംഭവത്തെ കുറിച്ചു കൂടുതല്‍ വിവരങ്ങള്‍ പോലീസ് പുറത്തു വിട്ടിട്ടില്ല. അന്വേഷണം പുരോഗമിക്കുന്നതായി പോലീസ് വക്താവ് പറഞ്ഞു.
Comments