ഷിക്കാഗോ: മോര്‍ട്ടണ്‍ ഗ്രോവ് സെന്റ് മേരീസ് ക്ലാനായ ദേവാലയത്തിന്റെ കീഴിലുള്ള സെന്റ് ജയിംസ് കൂടാരയോഗം മാര്‍ച്ച് 18 ഞായറാഴ്ച ഉച്ചയ്ക്ക് ഒരുമണിക്ക് പീറ്റര്‍ കുളങ്ങളുടെ വസതിയില്‍ വച്ച് നടത്തപ്പെട്ടു. ഇടവക വികാരി മോണ്‍സിഞ്ഞോര്‍ തോമസ് മുളവനാല്‍, അസിസ്റ്റന്റ് വികാരി അബ്രാഹം കളരിക്കല്‍,സിസ്റ്റര്‍ സില്‍വേരിയൂസ്, സിസ്റ്റര്‍ സനൂജ, സിസ്റ്റര്‍ ജോവാന്‍ എന്നിവര്‍ യോഗത്തില്‍ പങ്കെടുത്തു.കൂടാരയോഗത്തോടനുബന്ധിച്ച് ഉള്ള പ്രാരംഭ പ്രാര്‍ത്ഥനകള്‍ക്ക് ശേഷം, ഭവനനാഥന്‍ പീറ്റര്‍ കുളങ്ങര യോഗത്തില്‍ പങ്കെടുത്തേവരെയും ഹാര്‍ദ്ദമായി സ്വാഗതം ചെയ്തു.ഇടവകയുമായി ബന്ധപ്പെട്ട നടന്ന ഇതര വിഷയങ്ങളെ കുറിച്ചുള്ള ചര്‍ച്ചകള്‍ക്ക് മോണ്‍.തോമസ് മുളവനാല്‍ നേതൃത്വം നല്‍കി.
ജോജോ ആനാലില്‍ മാത്യു മാപ്പിളേട്ട് തങ്കച്ചന്‍ വെട്ടിക്കാട്ട് എന്നിവര്‍ ചര്‍ച്ചകള്‍ കൂടുതല്‍ സജീവമാക്കി.ഏലമ്മ കുളങ്ങര കണക്ക് അവതരിപ്പിക്കുകയും സ്റ്റീഫന്‍ ഒറ്റയില്‍ റിപ്പോര്‍ട്ട് വായിക്കുകയും ചെയ്തു.ഈമാസം ജന്മദിനമാഘോഷിക്കുന്ന കുട്ടികളെയും മുതിര്‍ന്നവരെയും ബഹുമാനപ്പെട്ട വൈദികര്‍ ആശംസകള്‍ അര്‍പ്പിക്കുകയും ആശീര്‍വദിക്കുകയും ചെയ്തു.കൂടാരയോഗ കോഡിനേറ്റര്‍ സ്റ്റീഫന്‍ ചൊള്ളംബേല്‍ യോഗത്തില്‍ പങ്കെടുത്ത ഏവര്‍ക്കും നന്ദി പറഞ്ഞു. സമാപനം സ്‌നേഹവിരുന്നോടെ ആയിരുന്നു.
Comments