ടെക്‌സസ്: സാന്താ ഫെ ഹൈസ്‌കൂളില് പഠിക്കുന്ന 17 കാരന് ഡിമിട്രിയോസ് പേഗര്റ്റ്‌സിസ് എന്തുകൊണ്ട് 8 സഹപാഠികളുടെയും രണ്ട് അധ്യാപകരുടെയും ജീവനെടുക്കുകയും മറ്റ് 13 പേരെ പരുക്കേല്പ്പിക്കുകയും ചെയ്തു എന്ന ചോദ്യത്തിന്റെ ഉത്തരം പ്രണയ നൈരാശ്യവും കൂടെ പഠിക്കുന്നവരുടെ കളിയാക്കലും ആയിരുന്നു എന്നാണ്. ഒരു ട്രെഞ്ച് കോട്ടിനുള്ളില് ഒളിപ്പിച്ച ഷോട്ട് ഗണ്ണും കൈയിലേന്തിയ ഹാന്ഡ് ഗണ്ണുമായി സ്‌കൂളില് കടന്നുവന്ന് രാവിലെ നടക്കുന്ന ആദ്യ ക്ലാസില് പഠിച്ചു കൊണ്ടിരുന്ന വിദ്യാര്ഥികള്ക്കും ക്ലാസെടുത്തിരുന്ന അധ്യാപികയ്ക്കും മറ്റൊരു അധ്യാപിയ്ക്കും നേരെ തുരുതുരെ വെടിയുതിര്ക്കുകയായിരുന്നു ഡിമിട്രിയോസ്.

ഷാന ഫിഷറിന് എന്ന പതിനാറുക്കാരിക്ക് പിറകെ പ്രണയാഭ്യര്ഥനയുമായി ഡിമിട്രിയോസ് കുറെ നാള് നടന്നു. ഡിമിട്രിയോസിനെ ഇഷ്ടമെല്ലെന്ന് അവള് പറഞ്ഞിരുന്നു. ഷാന ഫിഷറിനും വെടിയേറ്റു മരിച്ചിവരില്പ്പെടുന്നു. കൊല്ലപ്പെട്ട അധ്യാപകരില് ഒരാളായ സിന്തിയ ടിസ്‌ഡേല് പെട്ടെന്ന് ആവശ്യപ്പെട്ടതനുസരിച്ച് പഠിപ്പിക്കുവാന് എത്തിയതായിരുന്നു. ഭര്ത്താവിന്റെ ചികിത്സയ്ക്ക് പണം കണ്ടെത്താന് 63 കാരിയായ ഇവര് ഒരു റെസ്റ്ററന്റിലും പണിയെടുത്തിരുന്നു.

ഈദുല് ഫിത്തറിന് പാകിസ്ഥാനിലെ കറാച്ചിയിലെ സ്വന്തം വീട്ടില് സബിക്ക ഷെയ്ക്ക് എത്തുന്നത് കാത്തിരിക്കുകയായിരുന്നു കുടുംബം. 17 വയസുള്ള ഈ എക്‌സ്‌ചേഞ്ച് വിദ്യാര്ഥിനിയുടെ ജീവനും ഘാതകന് അപഹരിച്ചു. സബിക്ക ഒരിക്കല് പാകിസ്ഥാന്റെ വിദേശ കാര്യ ഓഫീസില് ജോലി ചെയ്യും എന്ന സ്വപ്നമാണ് പൊലിഞ്ഞതെന്ന് പിതാവ് അബ്ദുല് അസീസ് ഷെയ്ക്ക് പറഞ്ഞു.

അഗ്‌നി നിറമുള്ള മുടിയുമായി ചിരിച്ച് ഉല്ലസിച്ച് നടന്നിരുന്ന 15 വയസുകാരി ആഞ്ചലിക് രാമിറേസും വെടിയുണ്ടകള്ക്ക് ഇരയായി. 17 കാരന് ക്രിസ്റ്റഫര് സ്റ്റോണ് ഹൈസ്‌കൂള് ഫുട്‌ബോള് ടീം ആംഗമായിരുന്നു. ആര്ട്ട്‌സ് ക്ലാസില് ഇരിക്കവെ വെടിയേറ്റ് മരിച്ചു.

കൊല്ലപ്പെട്ട ഗ്ലെന്ഡ ആന് പെര്കിന്സ് സബ്സ്റ്റിറ്റിയൂട്ട് ടീച്ചറായിരുന്നു. കുട്ടികള്ക്ക് പ്രിയംകരിയായ ടീച്ചറായിരുന്നു എന്ന് ഒരു വിദ്യാര്ഥി അനുസ്മരിച്ചു. ക്രിസ്റ്റിയന് റൈലി ഗാര്സിയ എന്ന 15 കാരന് വിദ്യാര്ഥിയും വെടിവയ്പില് കൊല്ലപ്പെട്ടു. ആരണ് കൈല് മക് ലിയോഡ് എന്ന പതിനഞ്ചുകാരനും, കാരന് ജാരെഡ് കോണ്റാഡ് ബ്ലാക്ക്, എന്നിവരും ആക്രമണത്തില് കൊല്ലപ്പെട്ടു.

പതിനഞ്ച് മിനിറ്റോളം പൊലീസുമായി വെടിവെയ്പ് നടത്തിയതിനുശേഷം ഡിമിട്രിയോസ് പേഗര്റ്റ്‌സിസ് കീഴടങ്ങി. ഡിമിട്രിയോസിന്റെ വീട്ടില് നിന്നും വാഹനത്തില് നിന്നും സ്‌ഫോടക വസ്തുക്കളും ബോംബും കണ്ടെടുത്തതായി യുഎസ് ഹൗസ് റപ്രസന്റേറ്റീവ് മൈക്കേല് മക്കാള് വ്യക്തമാക്കി.

ഡിമിട്രിയോസിന്റെ കുടുംബം ഇയാളുടെ ചെയ്തികളെക്കുറിച്ച് അജ്ഞരാണെന്നും ഡിമിട്രിയോസ് ഇങ്ങനെയൊക്കെ ചെയ്യുമെന്ന് കരുതുന്നില്ലെന്നും കൂട്ടിച്ചേര്ത്തു. അമേരിക്കന് നിയമം അനുസരിച്ച് 16 വയസു തികഞ്ഞ ആള് മുതിര്ന്ന വ്യക്തിയുടെ ജീവിത രീതിയാണ് പിന്തുടരുന്നതെങ്കില് ആ കൗമാരക്കാരന് ചെയ്യുന്ന കുറ്റത്തിന് അയാളെ മുതിര്ന്ന വ്യക്തിയായി പരിഗണിച്ച് വിചാരണ ചെയ്യാം. ഡിമിട്രിയോസിനെ മുതിര്ന്ന വ്യക്തിയായി പരിഗണിച്ച് വിചാരണ ചെയ്യുമെന്നാണ് റിപ്പോര്ട്ട്.

സാന്റാ ഫേയ്ക്ക് സമീപത്തെ ആല്വിനിലെ ബിഗ് കൗണ്ട്രി ഷൂട്ടിങില് തോക്കുകള് വാങ്ങാന് കഴിഞ്ഞ ദിവസം വലിയ തിരക്ക് അനുഭവപ്പെട്ടു. പെന്റ് കോസ്റ്റല്സ് ഓഫ് സാന്റാ ഫേ ചര്ച്ച് അംഗങ്ങളാണ് പ്രധാനമായും തിരക്ക് കൂട്ടിയത്. 

By: ഏബ്രഹാം തോമസ്