ന്യൂയോര്‍ക്ക്: ന്യൂയോര്‍ക്കിലെ ടാപ്പനിലുള്ള സെന്റ് പീറ്റേഴ്‌സ് & സെന്റ് പോള്‍സ് മലങ്കര ഓര്‍ത്തഡോക്‌സ് പള്ളിയില്‍ (422 WESTERN HWY, TAPPAN, NEW YORK) ആണ്ടുതോറും നടത്തിവരാറുള്ള വി. പത്രോസ് പൗലോസ് ശ്ശീഹന്മാരുടെ ഓര്‍മ്മപ്പെരുന്നാള്‍ ഈവര്‍ഷം ജൂണ്‍ 30 ശനി, ജൂലൈ 1 ഞായര്‍ എന്നീ തീയതികളില്‍ ഭംഗിയായി ആഘോഷിക്കുന്നതാണ്.

തിരുവനന്തപുരം ഭദ്രാസനാധിപന്‍ അഭിവന്ദ്യ ഗബ്രിയേല്‍ മാര്‍ ഗ്രിഗോറിയോസ് തിരുമേനി മുഖ്യതിഥിയായി തിരുനാളില്‍ പങ്കെടുക്കുന്നതാണ്.

ജൂണ്‍ 30-നു ശനിയാഴ്ച വൈകുന്നേരം 6.30-നു സന്ധ്യാപ്രാര്‍ത്ഥനയും തുടര്‍ന്നു 7.30-ന് ഗബ്രിയേല്‍ മാര്‍ ഗ്രിഗോറിയോസ് തിരുമേനി മുഖ്യ പ്രഭാഷണം നടത്തും.

ജൂലൈ ഒന്നാംതീയതി ഞായറാഴ്ച രാവിലെ 8.30-നു പ്രാര്‍ത്ഥന, 9 മണിക്ക് ഗബ്രിയേല്‍ മാര്‍ ഗ്രിഗോറിയോസ് തിരുമേനിയുടെ കാര്‍മികത്വത്തിലുള്ള കുര്‍ബാനയും 11.30-ന് റാസ, 12 മണിക്ക് സ്‌നേഹവിരുന്ന് എന്നിവ നടക്കും.

തിരുനാളില്‍ പ്രാര്‍ത്ഥനയോടെ പങ്കെടുത്ത് അനുഗ്രഹം പ്രാപിക്കാന്‍ ഏവരേയും വികാരി/പ്രസിഡന്റ് റവ. ഫാ. തോമസ് മാത്യു (845 634 2152), സെക്രട്ടറി സാബു കുര്യന്‍ (845 300 5401), ട്രസ്റ്റി ബാബു കുര്യാക്കോസ് (201 421 6205) എന്നിവര്‍ ക്ഷണിക്കുന്നു.