You are Here : Home / USA News

ഇന്ത്യന്‍ അമേരിക്കന്‍ റിപ്പോര്‍ട്ടര്‍മാരായ സന്ധ്യക്കും അശ്വിനും 2018 ജേര്‍ണലിസം അവാര്‍ഡ്

Text Size  

പി .പി .ചെറിയാൻ

p_p_cherian@hotmail.com

Story Dated: Wednesday, July 11, 2018 11:33 hrs UTC

ഷിക്കാഗോ: ഇന്ത്യന്‍ അമേരിക്കന്‍ ജേര്‍ണലിസ്റ്റുകളായ സന്ധ്യ കമ്പംപാട്ടി, അശ്വിന്‍ ശേഷാഗിരി എന്നിവര്‍ക്ക് 2018 ലെ ജെറാള്‍ഡ് ലൂപ്പ് അവാര്‍ഡ് നല്‍കി ആദരിച്ചു. ന്യുയോര്‍ക്ക് ടൈംസിലെ ഡപ്യൂട്ടി എഡിറ്റര്‍ അശ്വിനും പ്രൊ പബ്ലിക്ക് ഇല്ലിനോയ്‌സ് ഡാറ്റാ റിപ്പോര്‍ട്ടര്‍ സന്ധ്യക്കുമാണ് മാധ്യമ രംഗത്തെ ഉയര്‍ന്ന ബഹുമതി ലഭിച്ചത്. ബിസിനസ്, ഫിനാന്‍സ്, ഇക്കണോമി തുടങ്ങിയ വിഷയങ്ങളെ കുറിച്ചു പഠിച്ചു റിപ്പോര്‍ട്ടുകള്‍ സമര്‍പ്പിച്ച ഇരുവര്‍ക്കും ജൂണ്‍ 24 ന് ന്യൂയോര്‍ക്ക് കേപിറ്റെയ് ലില്‍ നടന്ന ബാഗ്വറ്റിലാണ് അവാര്‍ഡുകള്‍ സമ്മാനിച്ചത്. അശ്വിന്‍ യുസി ബര്‍ക്കിലിയില്‍ നിന്നുള്ള ജേര്‍ണലിസ്റ്റ് ഗ്രാജ്യുവേറ്റാണ്. സന്ധ്യ ഒഹായൊ യൂണിവേഴ്‌സിറ്റി ഇ ഡബ്ല്യു സ്‌ക്രിപ്‌സ് ജേര്‍ണലിസം സ്‌കൂളില്‍ നിന്നാണ് ബിരുദം നേടിയത്. രണ്ടു തലങ്ങളായി നടന്ന മത്സരത്തില്‍ ലഭിച്ച 470 എന്‍ട്രികളില്‍ നിന്നാണ് അവാര്‍ഡ് ജേതാക്കളെ തിരഞ്ഞെടുത്തത്. 1957 ല്‍ ജെറാള്‍ഡ് ലൂപ്പാണ് ബിസിനസ് ജേര്‍ണലിസത്തിനുവേണ്ടി പ്രത്യേക അവാര്‍ഡ് ഏര്‍പ്പെടുത്തിയത്.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From USA News
More
View More