You are Here : Home / USA News

ഏഴാമത് എഫ്‌സിസി ടെക്‌സാസ് സോക്കർ ടൂര്‍ണമെന്റ് ശനിയാഴ്ച; ലേണൽ തോമസ് പങ്കെടുക്കും.

Text Size  

Story Dated: Wednesday, October 10, 2018 04:12 hrs UTC

ഡാലസ്: ടെക്‌സാസിലെ പ്രമുഖ മലയാളി സോക്കർ ക്ലബായ ഫുട്ബോൾ ക്ലബ് ഓഫ് കാരള്‍ട്ടന്റെ (എഫ്സിസി ആഭിമുഖ്യത്തില്‍ നടക്കുന്ന ഏഴാമത് ടെക്‌സാസ് ഓപ്പണ്‍ കപ്പ് സോക്കർ ടൂര്‍ണമെന്റിനു ഒക്ടോബര്‍ 13 , 14 തീയതികളിൽ ഡാലസില്‍ നടക്കും. എഫ്സിസി യുടെ പ്രത്യേക ക്ഷണം സ്വീകരിച്ചു മുൻ സന്തോഷ്‌ ട്രോഫി ടീമംഗവും എസ്ബിറ്റി ക്യാപറ്റനുമായിരുന്ന കേരള താരം ലേണൽ തോമസ് അതിഥിയായെത്തി കളിക്കാർക്ക് പരിശീലനം നൽകി വരുന്നതിനൊപ്പം ടൂർണമെന്റിൽ പങ്കെടുക്കും.

ഡാളസ് ജൂവിഷ് കമ്മ്യൂണിറ്റ് സെന്റർ സോക്കർ ഫീൽഡിലാണ് (7900 Northaven Rd, Dallas, TX 75230) മത്സരങ്ങൾ.ശനിയാഴ്ച ലീഗ് റൌണ്ട് മത്സരങ്ങളും ഞായാറാഴ്ച ക്വർട്ടർ , സെമി, ഫൈനൽ മത്സരങ്ങളും നടക്കും.

ഡാലസ്‌ഫോര്‍ട്ട് വര്‍ത്തിലെ ഫുട്ബോൾ പ്രേമികൾ കരോള്‍ട്ടന്‍ കേന്ദ്രമാകി 2010-ല്‍ ആരംഭിച്ച ക്ലബാണ് എഫ്‌സി കരോള്‍ട്ടന്‍. പ്രദീപ് ഫിലിപ്പ് (പ്രസിഡന്റ്), വിനു ചാക്കോ , മഞ്ചേഷ് ചാക്കോ, വർഗീസ് തോമസ് (ജോസ്), ഡിമ്പു ജോൺ, ജിബി ജോൺ, ജോബിൻ ഡാനിയേൽ (ടൂർണമെന്റ് കോർഡിനേറ്റർഴ്സ് ), മാത്യു മാത്യൂസ് (സാബു), മനോജ് പൗലോസ്, ലിനോയ് ജോയ്, മണി നായർ (ടീം കോച്ചസ്) എന്നിവര്‍ ടൂർണമെന്റിന് നേതൃത്വം നല്‍കുന്നു.

വിവിധ നഗരങ്ങളിൽ നിന്നുള്ള ഒൻപതു മലയാളി ക്ളബുകൾ ടൂർണമെന്റിൽ പങ്കെടുക്കും. എൽ സൂനിയോ ലേക്ക് ഹൗസ് (ആദർശ് ഫിലിപ് ,ഷിനു പുന്നൂസ്), എക്സ്പ്രസ് ഫാർമസി കരോൾട്ടൻ എന്നിവർ ടൂർണമെന്റ് ഗ്രാന്റ് സ്പോൺസേഴ്‌സും , വിനു ചാക്കോ (ബീം റിയൽറ്റി ) ഗോൾഡ് സ്പോൺസറും ആണ്. കായികപ്രേമികളേവരെയും മത്സരവേദിയിലേക്കു സ്വാഗതം ചെയ്യുന്നതായി ഭാരവാഹികളറിയിച്ചു.

By: മാർട്ടിൻ വിലങ്ങോലിൽ

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Featured News
View More