You are Here : Home / USA News

ശാപം ഒഴിവാക്കാൻ ദൈവം പ്രത്യേക കഴിവു നൽകി; മെഡിക്കൽ വിദ്യാർഥിയെ വഞ്ചിച്ചു പണം തട്ടിയതിങ്ങനെ

Text Size  

Story Dated: Friday, September 20, 2019 11:17 hrs EDT

ഫ്ലോറിഡാ ∙ ദൈവം നൽകിയ അമാനുഷിക കഴിവുകൾ ഉപയോഗിച്ചു കുടുംബത്തിലുണ്ടായിരുന്ന ശാപം ഒഴിവാക്കി തരാം എന്നു പ്രലോഭിപ്പിച്ചു പതിനായിരക്കണക്കിനു ഡോളറും സ്വർണാഭരണങ്ങളും തട്ടിയെടുത്ത ഫ്ലോറിഡയിൽ നിന്നുള്ള ജാക്വലിൻ മില്ലറെ ഫ്ലോറിഡാ വെസ്റ്റ് പാം ബീച്ച് ഫെഡറൽ കോടതി 40 മാസത്തെ തടവിനു വിധിച്ചു. 1.6 മില്യൻ ഡോളർ നഷ്ടപരിഹാരവും നൽകാൻ കോടതി ഉത്തരവിട്ടു.

കഴിഞ്ഞ വാരമാണു കേസിന്റെ വിധി പ്രഖ്യാപിച്ചത്. ഹൂസ്റ്റണിലുള്ള 27 വയസ്സുള്ള മെഡിക്കൽ വിദ്യാർഥിനിയുടെ ജീവിതത്തിൽ പ്രയാസങ്ങൾ നേരിടുകയും ഡിപ്രഷനു വിധേയയാകുകയും ചെയ്തതോടെ സ്പിരിച്വലൽ കൗൺസിലറെ തേടുന്നതിനിടയിലാണ് ജാക്വലിൻ മില്ലറെ കണ്ടുമുട്ടുന്നത്.

വിദ്യാർഥിനിയുമായി ഇവർ സന്ദേശങ്ങൾ കൈമാറുകയും തനിക്ക് ദൈവം നൽകിയ പ്രത്യേക  അനുഗ്രഹമാണ് ശാപം മാറ്റുന്നതിനുള്ള അനുഗ്രഹമെന്നു വിദ്യാർഥിനിയെ പറഞ്ഞു മനസ്സിലാക്കുകയും ചെയ്തു, മാത്രമല്ല വീട്ടിൽ ഇവരുടെ മാതാവ് കൊല്ലപ്പെട്ടതു ശാപം മൂലമാണെന്നും ജാക്വലിൻ മില്ലർ പറഞ്ഞു. സൗത്ത് അമേരിക്കയിലുള്ള ഒരു അശുദ്ധാത്മാവ് നിങ്ങളുടെ മാതാവിനെ ശപിച്ചിരിക്കുന്നുവെന്നും ഇവർ പറഞ്ഞു. 

2008 മുതൽ 2014 വരെയുള്ള കാലഘട്ടത്തിൽ ഇവർ പരസ്പരം പലപ്പോഴായി കണ്ടുമുട്ടുകയും ഈ വിദ്യാർഥിനിയിൽ നിന്നും 550,000 മുതൽ 1.5 മില്യൺ ഡോളർ വരെ ഇവർ തട്ടിയെടുക്കുകയും ചെയ്തതായാണ് കോടതി രേഖകളിൽ കാണുന്നത്. അവസാനമായി ഫ്ലോറിഡയിൽ ജാക്വലിനെ സന്ദർശിച്ചപ്പോൾ ശാപം ഉണ്ടായിരുന്നു എന്നു പറഞ്ഞതു വ്യാജമാണെന്നു ജാക്വിലിൻ സമ്മതിച്ചു.

തുടർന്ന് ഇവർ പൊലീസിൽ പരാതിപ്പെടുകയും എഫ്ബിഐ അന്വേഷണം നടത്തുകയും ചെയ്തതിന്റെ അടിസ്ഥാനത്തിൽ ജാക്വലിനെതിരെ കേസെടുക്കുകയായിരുന്നു.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From USA News
More
View More