ഡാളസ് : കേരളത്തിന്റെ സംസ്‌ക്കാരിക തലസ്ഥാനമായ തൃശൂരിന് മാത്രം സ്വന്തമായ തൃശൂര്‍ പൂരലഹരി ഡാളസ്സിലെ പൗരാവലിക്ക് ആസ്വദിക്കുവാന്‍ ഡാളസ് കേരള അസ്സോസിയേഷന്‍ അവസരം ഒരുക്കുന്നു. ഇന്ത്യ-കള്‍ച്ചറല്‍ ആന്റ് എഡുക്കേഷന്‍ സെന്ററും, കേരള അസ്സോസിയേഷനും സംയുക്തമായി സംഘടിപ്പിക്കുന്ന പകല്‍ പൂരം മെയ് 30 ശനിയാഴ്ച വൈകീട്ട് 6 മണി മുതല്‍ അസ്സോസിയേഷന്‍ ഫുട്‌ബോള്‍ ഗ്രൗണ്ടിലായിരിക്കും അരങ്ങേറുക. പല്ലാവൂര്‍ ശ്രീധരന്റെ നേതൃത്വത്തിലുള്ള പഞ്ചവാദ്യസംഘം തൃശൂര്‍പൂരത്തിന് കൊഴുപ്പേകും.
ഡാളസ് ശ്രീ ഗുരുവായൂരപ്പന്‍ ക്ഷേത്ര ഉല്‍ഘാടനത്തോടനുബന്ധിച്ചുള്ള പരിപാടികളില്‍ പങ്കെടുക്കുന്നതിനാണ് പ്രസിഡന്റ് പഞ്ചവാദ്യ സംഘം ഡാളസ്സില്‍ എത്തിയിരിക്കുന്നത്. ഈ അസുലഭാവസരം പ്രയോജനപ്പെടുത്തുന്നതിനും ആസ്വദിക്കുന്നതിനും ഏവരേയും സ്വാഗതം ചെയ്യുന്നതായി കേരള അസ്സോസിയേഷന്‍ പ്രസിഡന്റ് ബാബു സി. മാത്യു ജനറല്‍ സെക്രട്ടറി റോയി കൊടുവത്ത് എന്നിവര്‍ അറിയിച്ചു. പ്രവേശനം സൗജന്യമാണ്.
Comments