`ഓം' കാനഡ വര്ണ ശബളമായി വിഷു ആഘോഷിച്ചു
Text Size
ജയ് പിള്ള
jayasankar@hotmail.ca
Story Dated: Monday, April 13, 2015 11:21 hrs UTC
ഒന്റാരിയോ:ഒന്റാരിയോ ഹിന്ദു മലയാളി കള്ച്ചറല് അസോസിയേഷന്റെ (ഓം) ആഭിമുഖ്യത്തില് ബ്രാംപ്റ്റന് ചിന്ഗൂസി സെക്കന്ഡറി സ്കൂളില് വച്ച് നടന്ന വിഷു 2015 അതിഗംഭീരമായ ആഘോഷങ്ങളോടെ സമാപിച്ചു. കുട്ടികളും മുതിര്ന്നവരും ഒരു മിച്ചു ചേര്ന്ന് അവതരിപ്പിച്ച വിവിധ കലാപരിപാടികള് തികഞ്ഞ മികവു പുലര്ത്തി . കോമഡി സ്കിറ്റ് ,ക്ലാസ്സിക് ,ബോളിവുഡ് ,ഫ്യൂഷന് ,നാടോടി നൃത്തങ്ങള് ,ലൈവ് ഗാന മേള ,ബാന്ഡ് മ്യൂസിക് എന്നിങ്ങനെ 3 മണിക്കൂര് നീണ്ട കലാപരിപാടികള് നിറഞ്ഞു കവിഞ്ഞ സദസ്സിനെ കേരളത്തിന്റെ ഓര്മ്മകള് ഉണര്ത്തി .
ബ്രാംറ്റന് ഗുരുവയൂരപ്പന് ക്ഷേത്ര തന്ത്രി ശ്രീ.ദിവാകരന് നമ്പൂതിരി ഭദ്രദീപം കൊളുത്തി ഉത്ഗാടനം ചെയ്ത ചടങ്ങില് വിഷുക്കണി ,നൂറില് പരം കുട്ടികള്ക്കുള്ള വിഷുകൈനീട്ട വിതരണം എന്നിവ നടത്തപ്പെടുക ഉണ്ടായി. വിഷു ആഘോഷ പരിപാടിയില് പങ്കെടുത്ത എല്ലാവര്ക്കും വിഭവ സമൃദ്ധമായ വിഷു സദ്യയും ഒരുക്കിയിരുന്നു .സമകാലിക പ്രശ്നങ്ങളെ തൊട്ടുണര്ത്തുന്ന ജോക്കര് കാണികളുടെ പ്രശംസ പിടിച്ചു പറ്റി . വിഷു പാട്ടും വിഷു കണിയും ,വിഷു കൈനീട്ടവും ,വിഷു സദ്യയും എല്ലാം , ഒന്റാരിയോവിലെ പ്രവാസി മലയാളികള്ക്ക് ഗൃഹാതുരത്വത്തിന്റെ ഓര്മകള് ഉണര്ത്തുന്നതായിരുന്നു .നിറഞ്ഞു കവിഞ്ഞ സദസ്സില് വിവിധ കമ്യുണിറ്റിയില് പെട്ടവര് പങ്കെടുത്തു .
Comments