ചിക്കാഗോ: മാവേലിക്കര ബിഷപ്പ് മൂര്‍ കോളേജ് അലൂംമ്‌നി അസോസിയേഷന്‍, ബിഷപ്പ് മൂര്‍ കോളേജ് പൂര്‍വ്വ വിദ്യാര്‍ത്ഥിയും മലങ്കര ഓര്‍ത്തഡോക്‌സ് സഭയുടെ യുകെ-യൂറോപ്പ്-ആഫ്രിക്ക ഭദ്രാസനാധിപനും ആയ അഭി.ഡോ.മാത്യൂസ് മാര്‍ തിമോത്തിയോസ് മെത്രാപ്പോലീത്തയ്ക്ക് ചിക്കാഗോയില്‍ സ്വീകരണം നല്‍കുന്നു. മെയ് 10 ഞായറാഴ്ച വൈകീട്ട് 7 മണിക്ക് ഡസ്‌പ്ലെയിന്‍സില്‍(733 Sandy Lane- Des plaines- 60016) കൂടുന്ന ബിഷപ്പ് മൂര്‍ കോളേജ് അലൂംമ്‌നി അസോസിയേഷന്‍ കുടുംബ സമ്മേളനത്തില്‍ അഭി.മെത്രാപ്പോലീത്ത തിരുമേനി മുഖ്യാതിഥിയായി പങ്കെടുക്കും.
സഭാ സാമൂഹ്യമേഖലകളിലും, ആഗോള ക്രൈസ്തവ പ്രസ്ഥാനങ്ങളിലും തനതായ വ്യക്തി പ്രഭാവം കൊണ്ട് തിളങ്ങി നില്‍ക്കുന്ന അഭി.തിരുമേനി ഇതാദ്യമായാണ് ചിക്കാഗോയില്‍ എത്തുന്നത്. മികച്ച വാഗ്മിയും, തികഞ്ഞ മനുഷ്യ സ്‌നേഹിയും, എക്യൂമിനിക്കല്‍ രംഗത്തെ സജീവ സാന്നിധ്യവുമാണ് അഭി.തിമൊത്തിയോസ്് മെത്രാപ്പോലീത്ത. ഈ സമ്മേളനത്തിലേക്ക് എല്ലാ ബിഷ്പ്പ്മൂര്‍ പൂര്‍വ്വവിദ്യാര്‍ത്ഥികളെയും കുടുംബമായി സ്വാഗതം ചെയ്യുന്നതായി അസോസിയേഷന്‍ പ്രസിഡന്റ് റവ.മാത്യു ഇടിക്കുള അറിയിച്ചു.
കൂടുതല്‍ വിവരങ്ങള്‍ക്ക് ബെന്നി പരിമണം-(847)-3062856
ഐപ്പ്. സി. വര്‍ഗീസ് പരിമണം-(224)-2005771
Comments