ഏറെക്കാലം പ്രതിസന്ധിഘട്ടത്തിലൂടെ മുന്നോട്ടുപോയ ഭദ്രാസനത്തെ സംബന്ധിച്ചിടത്തോളം അക്കാലത്തെ കുറിച്ചുള്ള ഓര്‍മകള്‍ വിസ്മരിക്കാവുന്നതല്ല. അതുകൊണ്ടുതന്നെ ഇപ്പോള്‍ നിലനില്‍ക്കുന്ന സമാധാനം ഭദ്രാസനത്തെ സംബന്ധിച്ച് വളരെ വിലപ്പെട്ടതാണന്ന് യോഗം വിലയിരുത്തി. ഭദ്രാസനത്തിലെ വൈദികരുടെയും വിശ്വാസികളുടെയും പ്രാര്‍ഥനയാലും സമര്‍പ്പണ മനോഭാവത്താലും ഭദ്രാസനം അനുദിനം പുരോഗതിയിലേക്ക് നീങ്ങവെ, ഈ മുന്നേറ്റത്തിന് ധീരമായ നേതൃത്വം നല്‍കുന്നതിന് മാര്‍ നിക്കോളോവോസ് മെത്രാപ്പൊലീത്തയുടെ സേവനം അത്യന്താപേക്ഷിതമാണന്ന് യോഗം വിലയിരുത്തി.
ഫിലിപ്പോസ് ഫിലിപ്പ് , അജിത് വട്ടശേരില്‍, ഷാജി വര്‍ഗീസ്, ഡോ.സാക് സഖറിയാ, വര്‍ഗീസ് പോത്താനിക്കാട് തുടങ്ങി അംഗങ്ങളെല്ലാവരും രാത്രി വിരുന്നിലും സമ്മേളനത്തിലും സംബന്ധിച്ചതായി ഭദ്രാസന സെക്രട്ടറി ഫാ. എം കെ കുരിയാക്കോസ് അറിയിച്ചു.