സമൃദ്ധിയുടെയും സാഹോദര്യത്തിന്‍െറയും നന്മയുടെയും സന്ദേശവുമായി മലയാളികള്‍ ഇന്ന് തിരുവോണം ആഘോഷിക്കുന്നു.കേരളം ഭരിച്ചിരുന്ന പ്രജാക്ഷേമ തത്‌പരനായിരുന്ന മഹാബലി എന്ന അസുര ചക്രവര്‍ത്തി ആണ്ടിലൊരിക്കല്‍ പ്രജകളെ കാണാന്‍ എത്തുന്ന ദിവസമാണ്‌ പൊന്നിന്‍ ചിങ്ങമാസത്തിലെ തിരുവോണം എന്നാണ്‌ ഐതീഹ്യം.തന്റെ പ്രജകളെ കാണാന്‍ മഹാബലിത്തമ്പുരാന്‍ ഓരോ വീടുകളിലും എത്തും.വീട്ടുമുറ്റത്ത് പൂക്കളമിട്ടും ഓണക്കോടിയുടുത്തും ഓണസദ്യയൊരുക്കിയും ഓരോ മലയാളിയും മാവേലിത്തമ്പുരാനെ വരവേല്‍ക്കുന്നു. ‘കാണം വിറ്റും ഓണം ഉണ്ണണമെന്ന’ പഴമൊഴി അന്വര്‍ഥമാക്കി മലയാളികള്‍ പൊന്നോണം ആഘോഷിക്കാനുള്ള തിരക്കിലാണ്.