ജയില്‍ ചപ്പാത്തിയും ഇഡ്ഡലിയും ഇനി ശബരിമല സന്നിധാനത്തും.മണ്ഡലകാലത്ത് അയ്യപ്പന്മാര്‍ക്ക് കുറഞ്ഞ വിലയ്ക്ക് ആഹാരം ലഭ്യമാക്കുന്നതിനുള്ള തയ്യാറെടുപ്പായാണ്‌ ജയില്‍ ചപ്പാത്തി ശബരി ചപ്പാത്തി എന്ന പേരില്‍ വിതരണം ചെയ്യാനെത്തുന്നത്. ശബരി ചപ്പാത്തിയും ഇഡ്ഡലിയും പത്തനംതിട്ട ജില്ലാ ജയിലിലാവും തയ്യാറാക്കുക. ഇതിന്റെ മുന്നോടിയായി തിരുവനന്തപുരം നെട്ടുകാല്‍ത്തേരി തുറന്ന ജയിലിലെ ചപ്പാത്തി മെഷീനും തിരുവനന്തപുരം സ്പെഷ്യല്‍ ജയിലിലെ ഇഡ്ഡലി നിര്‍മ്മാണ യന്ത്രവും പത്തനം തിട്ട ജയിലിലേക്ക് കൊണ്ടുവരും.