പുതിയതായി രംഗത്തിറക്കിയ ഡ്രൈവറില്ലാ ടാക്സികൾ സർവീസ് നടത്തുന്നതിൻ്റെ വീഡിയോ ദൃശ്യങ്ങൾ പങ്കുവെച്ച് ടെസ്‌ല. സ്വന്തമായി ആവശ്യക്കാരുടെ അടുത്തേക്ക് ഓടിച്ച് പോയി അവരെ പിക്ക് ചെയ്യുന്ന റോബോ ടാക്സികളുടെ വീഡിയോ ദൃശ്യങ്ങളാണ് ടെസ്‌ല പങ്കുവെച്ചത്. ഓസ്റ്റിനിലെ കമ്പനിയുടെ ഗിഗാഫാക്ടറിയിൽ നിന്ന് യാത്ര ആരംഭിച്ച് സെൽഫ് ഡ്രൈവിംഗ് ടെസ്‌ല മോഡൽ വൈ 30 മിനുട്ട് യാത്ര ചെയ്ത് കസ്റ്റമറുടെ വീട്ടിലേക്കെത്തുന്നത് ദൃശ്യങ്ങളിൽ കാണാം. ഹൈവേകൾ, ജംഗ്ഷനുകൾ, ട്രാഫിക് സിഗ്നലുകൾ, നഗരവീഥികൾ എന്നിവയിലൂടെ സ്വന്തമായി നാവിഗേറ്റ് ചെയ്ത് വാഹനം യാത്ര ചെയ്യുന്നതും വീഡിയോയിൽ കാണാം.
