പുതിയ തെലുങ്ക് ചിത്രത്തിനായാണ് മോഹന്‍ലാല്‍ തെലുങ്ക് പഠിക്കുന്നത്. ചിത്രീകരണത്തിന്റെ ഇടവേളകളില്‍ ലൊക്കേഷനില്‍ ഇരുന്നാണ് ഭാഷാപഠനം. ചന്ദ്രശേഖര്‍ യെലേത്തി സംവിധാനം ചെയ്യുന്ന ചിത്രം തെലുങ്കിലും മലയാളത്തിലും ചിത്രീകരിക്കുന്നുണ്ട്. ചിത്രീകരണം തുടങ്ങിയിട്ട് ഒരാഴ്ചയിലേറെയായി. മോഹന്‍ലാലിന്റെ നായകനായിട്ടുള്ള ആദ്യ തെലുങ്ക് ചിത്രമാണിത്. ഗൗതമിയാണ് നായിക. നെടുമുടി വേണു, പി ബാലചന്ദ്രന്‍, ജോയ് മാത്യു, ഉര്‍വശി എന്നിവരും ചിത്രത്തില്‍ അഭിനയിക്കുന്നുണ്ട്.