നവംബർ 9 ദേശീയ നിയമ സേവന ദിനമായി രാജ്യത്ത് ആചരിക്കുന്നു. സാധാരണ ജനങ്ങൾക്ക് സൗജന്യവും തുല്യതയുള്ളതുമായ നീതിന്യായ സേവനം നൽകുക എന്ന ലക്ഷ്യത്തോടെ ഈ ദിനം ആചരിക്കപ്പെടുന്നു.നിയമത്തെക്കുറിച്ചുള്ള ബോധവൽക്കരണം സമൂഹത്തിലേക്ക് എത്തിച്ച് ഓരോ പൗരനും തന്റെ അവകാശങ്ങളും ഉത്തരവാദിത്വങ്ങളും മനസ്സിലാക്കേണ്ടതിന്റെ പ്രാധാന്യമാണ് ഈ ദിനം പ്രത്യേകിച്ച് ഓർമ്മിപ്പിക്കുന്നത്. സാമ്പത്തികമായി പിന്നാക്കം നിൽക്കുന്നവർ, സ്ത്രീകൾ, കുട്ടികൾ, മുതിർന്നവർ എന്നിവർക്കായി സൗജന്യ നിയമസഹായം ലഭ്യമാക്കുന്നത് സമൂഹ നീതിയുടെ ഭാഗമാണെന്ന സന്ദേശവും ഈ ദിനം നൽകുന്നു.1987ൽ Legal Services Authorities Act നടപ്പിലാക്കിയതോടെയാണ് ഈ ദിനം ആചരിക്കാൻ തുടങ്ങിയിരിക്കുന്നത്. നിയമസഹായ സംവിധാനം ശക്തിപ്പെടുത്തുകയും നീതി എല്ലാവർക്കും എത്തിച്ചേരുന്ന രീതിയിൽ ജനങ്ങളെ ബോധവൽക്കരിക്കുകയും ചെയ്യണമെന്നതാണ് ദിനാചരണത്തിന്റെ പ്രധാന ഉദ്ദേശ്യം.ഇന്ന് വിവിധ സംസ്ഥാന നിയമ സേവന അതോറിറ്റികൾ, കോടതികൾ, വിദ്യാഭ്യാസ സ്ഥാപനങ്ങൾ, സന്നദ്ധസംഘടനകൾ എന്നിവ നിയമബോധവൽക്കരണ സെമിനാറുകൾ, നിയമ സഹായ ക്യാമ്പുകൾ, അവകാശ വിവരണ ക്ലാസുകൾ, സൗജന്യ നിയമസഹായ സേവനങ്ങൾ എന്നിവ സംഘടിപ്പിച്ച് ദിനം ആചരിക്കുന്നു.സമൂഹത്തിലെ ഓരോ വ്യക്തിക്കും നീതി ലഭ്യമാകണം എന്ന വിശ്വാസം ശക്തിപ്പെടുത്തുന്നതിലാണ് ദേശീയ നിയമ സേവന ദിനത്തിന്റെ യഥാർത്ഥ പ്രാധാന്യം. അറിവും ബോധവുമുള്ള പൗരന്മാർ ആയാലെ നിയമസംവിധാനം കൂടുതൽ ശക്തവും ജനകീയവുമാവുകയുള്ളു.
ജോയ്സ് കെ ജെ
