കൊല്ലം പ്രസ് ക്ലബ് ഏർപ്പെടുത്തിയ വി ലക്ഷ്മണന് സ്മാരക ജേര്ണലിസം അവാര്ഡിന് എസ് അനുമോള് അര്ഹയായി. ഉയര്ന്ന മാര്ക്കോടെ ജേര്ണലിസം പരീക്ഷ പാസാകുന്ന കൊല്ലം ജില്ലയില്നിന്നുള്ള വിദ്യാര്ഥിക്കാണ് ഓരോ വര്ഷവും അവാര്ഡ് നല്കുന്നത്. കൊല്ലം പെരുമ്പുഴ പുനുക്കന്നൂര് വയല്വാരത്ത് വീട്ടില് എസ് അനിലിന്റെയും ബി ശോഭനയുടെയും മകളാണ്. തിരുവനന്തപുരം ജേര്ണലിസം ഇന്സ്റ്റിറ്റ്യൂട്ടിൽനിന്ന് ജേര്ണലിസം പിജി ഡിപ്ലോമ പരീക്ഷയില് 64.18 ശതമാനം മാര്ക്ക് നേടിയാണ് അവാര്ഡിന് അര്ഹയായതെന്ന് കൊല്ലം പ്രസ് ക്ലബ് പ്രസിഡന്റ് ഡി ജയകൃഷ്ണൻ, സെക്രട്ടറി സനൽ ഡി പ്രേം എന്നിവർ അറിയിച്ചു.
കൊല്ലം പ്രസ് ക്ലബ്ബിന്റെ സ്ഥാപകനേതാക്കളില് പ്രമുഖനും പ്രശസ്ത പത്രപ്രവര്ത്തകനുമായിരുന്ന അന്തരിച്ച വി ലക്ഷ്മണന്റെ സ്മരണാര്ഥം ഏര്പ്പെടുത്തിയ അവാര്ഡ് 5001 രൂപയും പ്രശംസാപത്രവും അടങ്ങുന്നതാണ്.
വി ലക്ഷ്മണൻ അനുസ്മരണ സമ്മേളനം കൊല്ലം പ്രസ് ക്ലബ്ബില് ബുധൻ പകൽ 12ന് മുതിർന്ന മാധ്യമ പ്രവർത്തകനും ഏഷ്യൻ സ്കൂൾ ഓഫ് ജേർണലിസം ചെയർമാനുമായ ശശികുമാർ ഉദ്ഘാടനംചെയ്യും. ജനയുഗം റസിഡന്റ് എഡിറ്റർ പി എസ് സുരേഷ് അനുസ്മരണ പ്രഭാഷണംനടത്തും.
