പൂരനഗരി സന്ദർശിക്കുന്ന ജനങ്ങൾക്ക് ബാങ്കിങ് സേവനങ്ങൾ ലഭ്യമാക്കുന്നതിനായി ഇസാഫ് സ്മോൾ ഫിനാൻസ് ബാങ്കിന്റെ കസ്റ്റമര് ഫെസിലിറ്റേഷന് സെന്റര് തൃശൂർ പൂരം എക്സിബിഷൻ ഗ്രൗണ്ടിൽ ഈ വർഷവും തുറന്നു. ഇസാഫ് ബാങ്കിന്റെ എംഡിയും സിഇഒയുമായ ഡോ. കെ പോൾ തോമസ് അധ്യക്ഷത വഹിച്ച ചടങ്ങ് മേയർ ഡോ. നിജി ജസ്റ്റിൻ ഉദ്ഘാടനം ചെയ്തു. തുടർച്ചയായ എട്ടാം വർഷവും ഈ കേന്ദ്രം പൂരനഗരിയിൽ പ്രവർത്തിക്കാൻ അനുമതി നൽകിയ പൂരം എക്സിബിഷൻ കമ്മിറ്റിയോട് അദ്ദേഹം നന്ദിയും അഭിനന്ദനവും രേഖപ്പെടുത്തി.
പൂരനഗരി സന്ദർശിക്കുന്ന ജനങ്ങൾക്ക് ആവശ്യമായ വിവിധ സാമ്പത്തിക സേവനങ്ങൾ ലഭ്യമാക്കുന്ന സേവന കേന്ദ്രത്തിലെ എടിഎം കൗണ്ടറിന്റെ ഉദ്ഘാടനം കൗൺസിലർമാരായ പൂർണിമ സുരേഷ്, മേഴ്സി അജി എന്നിവർ ചേർന്ന് നിർവ്വഹിച്ചു. തൃശൂർ പൂരം എക്സിബിഷൻ കമ്മിറ്റി പ്രസിഡന്റ് എം ജയചന്ദ്രൻ, സെക്രട്ടറി ദിലീപ് കുമാർ, തിരുവമ്പാടി ദേവസ്വം പ്രസിഡന്റ് കേണൽ പി ആർ എം രവി, പാറമേക്കാവ് ദേവസ്വം പ്രസിഡന്റ് ഡോ. ബാലഗോപാൽ, ഇസാഫ് ബാങ്കിന്റെ മാർക്കറ്റിംഗ് ആൻഡ് ബ്രാഞ്ച് ബാങ്കിങ് ഹെഡ് ശ്രീകാന്ത് സി കെ എന്നിവർ പ്രസംഗിച്ചു.
