ഇന്ത്യയിലെ പ്രമുഖ ഫിറ്റ്നസ് ഗിയര് ബ്രാന്ഡായ സ്ലോവിക് (SLOVIC) ബ്രാന്ഡ് അംബാസഡറായി നടനും ഫിറ്റ്നസ് ഐകണുമായ ടൈഗര് ഷെറോഫിനെ പ്രഖ്യാപിച്ചു. ഇതോടനുബന്ധിച്ച് ‘ജിം വീട്ടിലെത്തിക്കൂ’ എന്ന പുതിയ ക്യാമ്പെയ്നും കമ്പനി അവതരിപ്പിച്ചു. ജിംനേഷ്യത്തില് പോകാന് സമയം കിട്ടാത്തവര്ക്ക് വീട്ടില് തന്നെ ഫിറ്റ്നസ് സാധ്യമാക്കുക എന്ന ആശയമാണ് ക്യാമ്പെയ്നിന്റെ കേന്ദ്രവിഷയം. സമയം, സ്ഥലം, സൗകര്യം തുടങ്ങിയ നിയന്ത്രണങ്ങള് ഇല്ലാതെ എല്ലാവര്ക്കും എളുപ്പത്തില് ഫിറ്റ്നസ് കൈവരിക്കാനാകണം എന്നതാണ് ബ്രാന്ഡിന്റെ നിലപാട്.
ഫിറ്റ്നസ് തന്റെ ജീവിതത്തിന്റെ ഭാഗമായതിനാലാണ് സ്ലോവികുമായി ചേര്ന്നത് സ്വാഭാവികമായി തോന്നിയതെന്ന് ടൈഗര് ഷെറോഫ് പറഞ്ഞു. വില കുറഞ്ഞ ഉപകരണങ്ങളിലൂടെ വീട്ടില് തന്നെ ഫിറ്റ്നസ് ആരംഭിക്കാന് കഴിയുമെങ്കില് അത് കൂടുതല് പ്രായോഗികവും സ്ഥിരതയുള്ളതുമായ ജീവിതശൈലിയിലേക്ക് നയിക്കുമെന്ന് സ്ലോവിക് സഹസ്ഥാപകന് ആകിബ് മുഹമ്മദ് പറഞ്ഞു.
ഡിജിറ്റല് പ്ലാറ്റ്ഫോമുകള് വഴി സിനിമകളും ഉള്ളടക്കങ്ങളും ഉള്പ്പെടുത്തി ക്യാമ്പെയ്ന് വ്യാപകമായി പ്രചരിപ്പിക്കുമെന്ന് കമ്പനി അറിയിച്ചു. ആമസോണ്, ഫ്ളിപ്കാര്ട്, ബ്ലിങ്കിറ്റ്, സെപ്റ്റോ, ഇന്സ്റ്റമാര്ട്ട് തുടങ്ങിയ ഇ-കൊമേഴ്സ്, ക്വിക്ക്-കൊമേഴ്സ് പ്ലാറ്റ്ഫോമുകളില് സ്ലോവിക് ഉല്പ്പന്നങ്ങള് ലഭ്യമാണ്.
പുള്-അപ്പ് ബാറുകള്, റെസിസ്റ്റന്സ് ബാന്ഡുകള്, ഡംബെല്ലുകള്, അഡ്ജസ്റ്റബിള് ഡംബെല്ലുകള്, യോഗ മാറ്റുകള് തുടങ്ങിയ വിവിധ ഫിറ്റ്നസ് ഉപകരണങ്ങളിലൂടെ സാധാരണക്കാരനും കുറഞ്ഞ ചിലവില് ഫിറ്റ്നസ് ആരംഭിക്കാന് സാധ്യമാക്കുകയാണ് സ്ലോവിക് ലക്ഷ്യമിടുന്നത്. ലോകാരോഗ്യ സംഘടനയുടെ കണക്കുകള് പ്രകാരം 2022ല് ഇന്ത്യയിലെ 49.4% പ്രായപൂര്ത്തിയായവര്ക്കും മതിയായ ശാരീരിക പ്രവര്ത്തനം ഇല്ല. അതേസമയം ഡെലോയിറ്റ് ഇന്ത്യയും ഹെല്ത് ആന്ഡ് ഫിറ്റ്നസ് അസോസിയേഷനും പുറത്തുവിട്ട റിപ്പോര്ട്ടുകള് പ്രകാരം 2024ല് ഫിറ്റ്നസ് സെന്റര് അംഗത്വം ഇന്ത്യയില് വെറും 0.8% മാത്രമാണെന്നും, പ്രധാന വരുമാനത്തിന്റെ 56% മുന്നിര നഗരങ്ങളില് നിന്നാണെന്നും കണ്ടെത്തിയിട്ടുണ്ട്.
