വിപണിയിൽ മികച്ച മുന്നേറ്റം നടത്താൻ സാധ്യതയുള്ള ഓഹരികളിൽ നിക്ഷേപിച്ച് ദീർഘകാല നേട്ടം ഉറപ്പാക്കുന്ന പുതിയ ‘കോൺട്രാ ഫണ്ട്’ അവതരിപ്പിച്ച് രാജ്യത്തെ മുൻനിര അസറ്റ് മാനേജ്മന്റ് കമ്പനിയായ മോത്തിലാൽ ഓസ്വാൾ മൂച്വൽ ഫണ്ട്. മെറ്റൽസ്, റിയൽ എസ്റ്റേറ്റ്, ബാങ്കിങ്, ഓട്ടോ എന്നീ മേഖലകളിലെ ലാഭക്ഷമമാകുന്ന കമ്പനികളുടെ ഓഹരികളിലാണ് നിക്ഷേപിക്കാൻ അവസരമുണ്ടാകുക.
മെയ് 22 വരെ കോൺട്രാ ഫണ്ടിൽ നിക്ഷേപിക്കാം. നിക്ഷേപത്തിനുള്ള കുറഞ്ഞ തുക 500 രൂപ. തുടർന്ന് 1 രൂപയുടെ ഗുണിതങ്ങളായി ഫണ്ടുകൾ വാങ്ങാം. നിക്ഷേപകർക്ക് കുറഞ്ഞ റിസ്കിൽ ദീർഘകാല നേട്ടം ഉറപ്പാക്കുകയാണ് കോൺട്രാ ഫണ്ട് അവതരിപ്പിക്കുന്നതിലൂടെ ലക്ഷ്യമിടുന്നതെന്ന് മോത്തിലാൽ ഓസ്വാൾ അസറ്റ് മാനേജ്മന്റ് കമ്പനി എംഡിയും സിഇഒയുമായ പ്രതീക് അഗർവാൾ പറഞ്ഞു. മൂന്ന് മുതൽ അഞ്ച് വർഷത്തേക്ക് നിക്ഷേപം നടത്തുന്നവർക്ക് ഏറ്റവും അനുയോജ്യമായതാണ് മോത്തിലാൽ ഓസ്വാൾ കോൺട്രാ ഫണ്ടെന്നും അദ്ദേഹം കൂട്ടിച്ചേർത്തു.
