ബിഎന്‍പി പരിബാസ് (ഇന്ത്യന്‍ വെല്‍സ്) ഓപ്പണില്‍ ആദ്യ റൗണ്ടില്‍ തന്നെ റഷ്യന്‍ ടെന്നീസ് സുന്ദരി മരിയ ഷറപ്പോവ പുറത്തായി. ജപ്പാന്റെ നവോമി ഒസാക്കയാണ് മുന്‍ ലോക ഒന്നാം നമ്ബറിനെ വീഴ്ത്തിയത്.

നേരിട്ടുള്ള സെറ്റുകള്‍ക്കായിരുന്നു ഒസാക്കയുടെ വിജയം. സ്കോര്‍: 6-4, 6-4. കഴിഞ്ഞ മാസം ഖത്തര്‍ ഓപ്പണിലും ഷറപ്പോവ ആദ്യ റൗണ്ടില്‍ പുറത്തായിരുന്നു.

മത്സരത്തില്‍ ഷറപ്പോവ ആറ് ഡബിള്‍ ഫോള്‍ട്ടുകളാണ് വരുത്തിയത്. അഞ്ചു തവണ എതിരാളി സെര്‍വുകള്‍ ബ്രേക്ക് ചെയ്തു. പഴയ ഫോമിന്റെ പരിസരത്തുപോലും എത്താനാവാതെ വലഞ്ഞ ഷറപ്പോവയെ 95 മിനിറ്റുകള്‍ക്കുള്ളില്‍ ഒസാക്ക മടക്കിയയച്ചു.