രാജസ്ഥാന്‍ റോയല്‍സിനെതിരായ മത്സരത്തില്‍ ഷെയ്ന്‍ വാട്‌സണ്‍ന്റെ സെഞ്ചുറി മാത്രമല്ല ആരാധകരുടെ മനസ്സിലിടം നേടിയത്. മറ്റൊരു നിമിഷം കൂടി മത്സരത്തിനിടയില്‍ സംഭവിച്ചു. ചെന്നൈ ക്യാപ്റ്റന്‍ എം.എസ് ധോനിയുടെ കാല് തൊട്ട് വന്ദിച്ച ആരാധകനാണ് കാണികളുടെ കൈയടി നേടിയത്.
മത്സരത്തില്‍ 46 റണ്‍സെടുത്ത് സുരേഷ് റെയ്‌ന പുറത്തായതിന് പിന്നാലെ ധോനി ക്രിസീലേക്ക് വരികയായിരുന്നു. ഇതിനിടെ ഗാലറിയില്‍ നിന്നും ഓടിയെത്തിയ ആരാധകന്‍ വന്ന് ധോനിയുടെ കാലില്‍ വീണു. ധോനി ആ ആരാധകനെ പിടിച്ചെഴുന്നേല്‍പ്പിക്കുകയും അവനോട് സംസാരിക്കുകയും ചെയ്തു.
ആ ആരാധകനെ സംബന്ധിച്ച്‌ അത് ജീവിതാഭിലാഷം പൂര്‍ത്തിയായ നിമിഷമായിരുന്നു. കരച്ചിലടക്കാനാവാതെ ആകാശത്തേക്ക് നോക്കി ദൈവത്തോട് നന്ദി പറഞ്ഞാണ് അയാള്‍ ഗാലറിയിലേക്ക് തിരിച്ചുപോയത്. ഇതിന്റെ വീഡിയോ സോഷ്യല്‍ മീഡിയയില്‍ ചര്‍ച്ചയായിരിക്കുകയാണ്. ധോനി ആരാധകരാണ് ഈ വീഡിയോ പങ്കുവയ്ക്കുന്നത്.
Comments