ഇന്ത്യയും ന്യൂസിലന്‍ഡും തമ്മിലുള്ള ഏകദിനപരമ്പരയിലെ ആദ്യമത്സരം ഇന്നു നടക്കും. നേപ്പിയറാണ് വേദി. ചെറുമൈതാനമാണ് ഇവിടെ. സിക്‌സറുകളും ബൗണ്ടറികളും പറക്കും. റണ്ണൊഴുകും.
അഞ്ച് ഏകദിനങ്ങളാണ് പരമ്പരയില്‍. 2014ല്‍ ഇന്ത്യ അവസാനമായി ന്യൂസിലന്‍ഡില്‍ കളിച്ചപ്പോള്‍ 0-4ന് തോറ്റു. അഞ്ചുമത്സര പരമ്പരയില്‍ ഒരു കളി സമനിലയായി.ഓസ്‌ട്രേലിയയെ കീഴടക്കിയാണ് ഇന്ത്യ ന്യൂസിലന്‍ഡിലെത്തിയത്. ലോകകപ്പിനുള്ള ഒരുക്കമാണ് ഇരു ടീമുകള്‍ക്കും. ലോകകപ്പിനുമുമ്പ് 10 മത്സരങ്ങളാണ് ഇന്ത്യക്ക്. പത്തിലൊന്നാണ് ഇന്ന്.