നാഗവല്ലിക്ക്‌ നല്‍കിയിരുന്ന ശബ്‌ദത്തിന്റെ ഉടമ തമിഴ്‌ ഡബ്ബിങ്‌ ആര്‍ട്ടിസ്‌റ്റായ ദുര്‍ഗ്ഗയാണെന്ന്‌ ഫാസില്‍ . ഒരു പ്രമുഖ വാരികയ്‌ക്ക് വേണ്ടി എഴുതിയ അനുഭവക്കുറിപ്പിലാണ്‌ ഫാസിലിന്റെ വെളിപ്പെടുത്തല്‍. മണിച്ചിത്രത്താഴില്‍ ശോഭനയ്‌ക്ക് വേണ്ടി ഭാഗ്യലക്ഷ്‌മിയാണ്‌ ഡബ്ബ്‌ ചെയ്‌തത്‌. നാഗവല്ലിയുടെ ശബ്‌ദവും ആദ്യം ഭാഗ്യലക്ഷ്‌മി സ്വരം മാറ്റി ഡബ്ബ്‌ ചെയ്‌തു. പക്ഷേ പിന്നീട്‌ ശേഖര്‍ സാറിനും കൂട്ടര്‍ക്കും മലയാളം തമിഴ്‌ ശബ്‌ദങ്ങള്‍ തമ്മില്‍ ചിലയിടങ്ങളില്‍ സാമ്യം തോന്നിച്ചു. അതുകൊണ്ട്‌ തമിഴിലെ ഡബ്ബിങ്‌ ആര്‍ട്ടിസ്‌റ്റ് ദുര്‍ഗയാണ്‌ നാഗവല്ലിയുടെ പോര്‍ഷന്‍ പിന്നീട്‌ ഡബ്ബ്‌ ചെയ്‌തത്‌. അന്നത്‌ ഭാഗ്യലക്ഷ്‌മിയോട്‌ പറയാന്‍ വിട്ടുപോയി. ഏറെക്കാലം ഭാഗ്യലക്ഷ്‌മി വിശ്വസിച്ചിരുന്നത്‌ തമിഴിലെ ഡയലോഗും താന്‍ തന്നെയാണ്‌ ഡബ്ബ്‌ ചെയ്‌തത്‌ എന്നാണ്‌. ഇത്രയും കാലം ഈ വിഷയത്തില്‍ താന്‍ നിരാശയായിരുന്നുവെന്നും സംവിധായകന്‍ അംഗീകരിച്ച്‌ രംഗത്തുവന്നതില്‍ വലിയ സന്തോഷമുണ്ടെന്നും ദുര്‍ഗ്ഗ പറഞ്ഞു.വര്‍ഷങ്ങള്‍ക്ക്‌ ശേഷം ഫാസില്‍ നടത്തിയ വെളിപ്പെടുത്തലില്‍ അതിയായ സന്തോഷമുണ്ടെന്ന്‌ ദുര്‍ഗ്ഗ പ്രതികരിച്ചു.
Comments