ഷിക്കാഗോ: ഇന്ത്യാ പ്രസ്‌ ക്ലബ്‌ ഓഫ്‌ ചിക്കാഗോയുടെ പ്രസിഡന്റായി ജോസ് കണിയാലിയും (കേരള എക്‌സ്‌പ്രസ്‌), ജനറല്‍ സെക്രട്ടറിയായി ബിജു സക്കറിയായും (ഏഷ്യാനെറ്റ്‌) തെരഞ്ഞെടുക്കപ്പെട്ടു. ജോയിച്ചന്‍ പുതുക്കുളം, (വൈസ്‌ പ്രസിഡന്റ്- ഫ്രീലാന്‍സ്‌), ശിവന്‍ മുഹമ്മ (ജോയിന്റ്‌ സെക്രട്ടറി- കൈരളി ടി.വി.), ബിജു കിഴക്കേക്കുറ്റ്‌ (ട്രഷറര്‍- മാസപ്പുലരി), ചാക്കോ മറ്റത്തിപറമ്പില്‍ (ജോയിന്റ ട്രഷറര്‍ - മലയാളംപത്രം) എന്നിവരാണ്‌ മറ്റ്‌ ഭാരവാഹികള്‍. മാത്തുക്കുട്ടി ആലുംപറമ്പിലാണ്‌ ഓഡിറ്റര്‍. 500 ഡോളര്‍ നിരക്കില്‍ പത്രസമ്മേളനം നടത്തുവാനുള്ള സൗകര്യം പൊതുജനങ്ങള്‍ക്ക്‌ ഉണ്ടായിരിക്കും.
ആറാമത്‌ ഇന്ത്യാ പ്രസ്‌ ക്ലബ്‌ ഓഫ്‌ നോര്‍ത്ത്‌ അമേരിക്കയുടെ നാഷണല്‍ കോണ്‍ഫ്രന്‍സ്‌ 2015ല്‍ ചിക്കാഗോയില്‍ വെച്ച്‌ നടത്തുവാനുള്ള സന്നദ്ധത നാഷണല്‍ കമ്മറ്റിയെ അറിയിക്കുവാന്‍ യോഗം തീരുമാനിച്ചു. 2008 ല്‍ രണ്ടാമത്തെ ഇന്ത്യാ പ്രസ്‌ ക്ലബ്‌ കോണ്‍ഫ്രന്‍സ്‌ ചിക്കാഗോയിലാണ്‌ നടന്നത്‌. മുന്‍ മന്ത്രി മോന്‍സ്‌ ജോസഫ്‌, ജോണ്‍ ബ്രിട്ടാസ്‌, ശ്രീകണ്‌ഠന്‍ നായര്‍, ജോണി ലൂക്കോസ്‌ തുടങ്ങിയവര്‍ അന്നത്തെ കോണ്‍ഫ്രന്‍സില്‍ പങ്കെടുത്തിരുന്നു.
Comments