നാദ-താളലയങ്ങള്‍കൊണ്ട് ന്യൂജേഴ്‌സിയെ ഇളക്കി മറിക്കുന്ന സുപ്പര്‍ ഡൂപ്പര്‍ പരിപാടികളുമായി മിത്രാസ് ഈ വര്‍ഷത്തെ ടീസര്‍ പുറത്തിറക്കി. ഫെലിസിയന്‍ കോളജ് തിയറ്ററില്‍ വരുന്ന സപ്റ്റംബര്‍ 10 നുള്ള പരിപാടികളുടെ ടീസറാണ് പുറത്തിറക്കിയത്. വൈകിട്ട് അഞ്ചിനു നടക്കുന്ന പരിപാടികളില്‍ മനസ്സില്‍ മധുരമൂറുന്ന ഒരുപിടി ഗാനങ്ങള്‍ മലയാളത്തിനു സമ്മാനിച്ച നമ്മുടെ സ്വന്തം ഫ്രാങ്കോ നയിക്കുന്ന ഗാനമേള, അമേരിക്കന്‍ മണ്ണില്‍ നിന്ന് പിറവിയെടുത്ത മലയാള നാടകം, വേദിയില്‍ ആവേശത്തിന്റെ അലയൊലികള്‍ ആര്‍ത്തടിച്ച് മിത്രാസിന്റെ അംഗനമാര്‍ അണിയിച്ചൊരുക്കുന്ന നൃത്തസന്ധ്യ എന്നിവയാണ് മുഖ്യ ആകര്‍ഷണം. മിത്രാസ് ദ ബ്ലോസംസ് എന്നു പേരിട്ടിരിക്കുന്ന സംഗീത-നൃത്ത സന്ധ്യ എവര്‍ക്കും വര്‍ണാഭമായ കാഴ്ചയായിരിക്കുമെന്ന് ഷോ ഡയറക്ടര്‍ മിത്രാസ് രാജന്‍ പറഞ്ഞു.
Comments