മലയാളത്തിന്റെ പ്രശസ്ത പിന്നണി ഗായകന്‍ ഫ്രാങ്കോ സെപ്റ്റംബര്‍ 10 മുതല്‍ 30 വരെ വിവിധ പരിപാടികള്‍ക്കായി അമേരിക്കയില്‍ എത്തും. പ്രവാസികളുടെ ഓണാഘോഷ പരിപാടികളിലും ശ്രോതാക്കളെ ഹരം പിടിപ്പിക്കുവാന്‍ ഗാനവേദികളിലും അദ്ദേഹം പങ്കെടുക്കും. 'ചെമ്പകമേ' എന്ന ആല്‍ബത്തിലൂടെ മലയാളികളുടെ, പ്രത്യേകിച്ച് യുവതലമുറയുടെ മനസ്സ് കീഴടക്കിയ ഈ യുവഗായകന്‍ ഹിന്ദിയിലും ഇംഗ്ലീഷിലും മറ്റു തെന്നിന്ത്യന്‍ ഭാഷകളിലുമായി ആയിരത്തില്‍പരം ആല്‍ബങ്ങലിലും മറ്റുനിരവധി തെന്നിന്ത്യന്‍ സിനിമകള്‍ക്കു വേണ്ടിയും ആലപിച്ചിട്ടുണ്ട്. ആലപിച്ച ഗാനങ്ങളിലെല്ലാം തന്റേതായ വ്യക്തിമുദ്ര പതിപ്പിക്കാന്‍ കഴിഞ്ഞതാണ് ഫ്രാങ്കോ എന്ന ഗായകന്റെ വിജയം. അമേരിക്കയിലുടനീളെ നീണ്ട സുഹൃത്ത് വലയവും ഇദ്ദേഹത്തിനുണ്ട്.

കൂടുതല്‍ വിവരങ്ങള്‍ക്കും പരിപാടികള്‍ക്കുമായി കെ.വി. ജോസഫ്( 972 955 8044), സുനു മാത്യൂ(682 560 9642, വിപിന്‍രാജ്(703 307 8445) എന്നിവരുമായി ബന്ധപ്പെടുക.