ഷിക്കാഗോ: ഷിക്കാഗോ ആസ്ഥാനമായി പ്രവര്‍ത്തിക്കുന്ന മലയാളി എന്‍ജിനീയേഴ്‌സ്‌ അസോസിയേഷന്‍ ഓഫ്‌ നോര്‍ത്ത്‌ അമേരിക്ക (MEANA) യുടെ ഈവര്‍ഷത്തെ വാര്‍ഷിക പിക്‌നിക്ക്‌ ഓഗസ്റ്റ്‌ 17-ന്‌ ശനിയാഴ്‌ച രാവിലെ 10 മണി മുതല്‍ വൈകിട്ട്‌ 6 മണി വരെ വിവിധതരം കലാ-കായിക മത്സരങ്ങളോടും, വിനോദ പരിപാടികളോടുംകൂടി നടത്തപ്പെടുന്നു. ഇല്ലിനോയി വാറന്‍വില്ലിലുള്ള ബ്ലാക്‌ വെല്‍ ഫോറസ്റ്റ്‌ പ്രിസേര്‍വില്‍ (ഈസ്റ്റ്‌ ഷെല്‍റ്റര്‍) വെച്ചാണ്‌ പിക്‌നിക്ക്‌ അരങ്ങേറുന്നത്‌. വിവിധതരം ഭക്ഷണവും ക്രമീകരിക്കുന്നുണ്ട്‌. കുട്ടികള്‍ക്കുള്ള കളികള്‍, മ്യൂസിക്കല്‍ ചെയര്‍ (വിവിധ പ്രായഗ്രൂപ്പുകള്‍ക്ക്‌), വോളിബോള്‍, സോക്കര്‍, ചീട്ടുകളി , കരോക്കി സ്റ്റേഷന്‍, ബോട്ടിംഗ്‌, ആര്‍ചറി, ബിന്‍കോ, വടംവലി മത്സരം തുടങ്ങിയവ പിക്‌നിക്കില്‍ ഉള്‍പ്പെടുത്തിയിട്ടുണ്ട്‌. മീനായുടെ അംഗങ്ങളും കുടുംബാംഗങ്ങളും, അഭ്യുദയകാംക്ഷികളും കൃത്യസമയത്തിനുതന്നെ എത്തിച്ചേര്‍ന്ന്‌ ഈ കുടുംബ കൂട്ടായ്‌മയെ ഒരു വലിയ ആഘോഷമാക്കി മാറ്റണമെന്ന്‌ പ്രസിഡന്റ്‌ നാരായണന്‍ നായര്‍ (847 366 6785), ഏബ്രഹാം ജോസഫ്‌ (സെക്രട്ടറി) 847 302 1350, സാബു തോമസ്‌ (കോര്‍ഡിനേറ്റര്‍) 630 890 5045 എന്നിവരും മറ്റ്‌ ഭാരവാഹികളും അഭ്യര്‍ത്ഥിക്കുന്നു.