ഡിട്രോയിറ്റ്‌: റോച്ചസ്റ്റര്‍ ഹില്‍സ്‌ സെന്റ്‌ ഗ്രിഗോറിയോസ്‌ മലങ്കര ഓര്‍ത്തഡോക്‌സ്‌ പള്ളിയുടെ 2013-ലെ വെക്കേഷന്‍ ബൈബിള്‍ സ്‌കൂള്‍ സമാപിച്ചു. ജൂലൈ 19-ന്‌ വെള്ളിയാഴ്‌ച ആരംഭിച്ച ഒ.വി.ബി.എസ്‌ വികാരി റവ.ഫാ. സുനോജ്‌ ഉമ്മന്‍ ഉദ്‌ഘാടനം ചെയ്‌തു. ഇടവകാംഗമായ ഡീക്കന്‍ ജോര്‍ജ്‌ ഡേവിഡ്‌ ഈവര്‍ഷത്തെ തീം അവതരിപ്പിച്ചു. തുടര്‍ന്ന്‌ എല്ലാ ദിവസവും ഗാനപരിശീലനം, വേദപഠനം, ആര്‍ട്‌സ്‌ ആന്‍ഡ്‌ ക്രാഫ്‌റ്റ്‌ എന്നിവ നടന്നു. സമാപന ദിവസമായ ഞായറാഴ്‌ച വിശുദ്ധ കുര്‍ബാനയ്‌ക്കുശേഷം വര്‍ണ്ണശബളമായ റാലിയും, പൊതുസമ്മേളനവും നടന്നു. തുടര്‍ന്ന്‌ കുട്ടികള്‍ വിവിധ കലാപരിപാടികള്‍ അവതരിപ്പിച്ചു. സണ്‍ഡേ സ്‌കൂള്‍ ഹെഡ്‌മാസ്റ്റര്‍ വി.വി. തോമസും, മറ്റ്‌ സണ്‍ഡേ സ്‌കൂള്‍ അധ്യാപകരും ഒ.വി.ബി.എസിന്‌ നേതൃത്വം നല്‍കി. ഇടവക സെക്രട്ടറി ജോജി അലക്‌സ്‌ അറിയിച്ചതാണിത്‌.
Comments