ന്യൂയോര്‍ക്ക് : മേഴ്‌സിഡസ് ബെന്‍സ് ഉള്ളവര്‍ സൂക്ഷിക്കുക. മോഷ്ടാക്കള്‍ക്ക് ഏറ്റവും പ്രിയപ്പെട്ട കാറാണ് ബെന്‍സ് 'സി' ക്ലാസ്. ലോങ്‌ഐലന്റ് മുതല്‍ നോര്‍ത്ത് ന്യൂജേഴ്‌സിവരെയുള്ള പ്രദേശത്ത് നിന്ന് 2009 മുതല്‍ 2012 വരെ ഈ ശ്രേണിയിലുള്ള 806 കാറുകളാണ് മോഷ്ടിക്കപ്പെടതായി റിപ്പോര്‍ട്ട് ചെയ്തത്. 'സി' ക്ലാസിന് പുറമെ 'ഇ' ക്ലാസ്സും എസ് ക്ലാസും മോഷ്ടാക്കള്‍ക്ക് പ്രിയപ്പെട്ടവയാണ്. ന്യൂയോര്‍ക്കിന് ശേഷം കൂടുതല്‍ കളവ് നടക്കുന്ന സ്ഥലം ലോസ് ആഞ്ചലന്‍സ് ആണ്. മിയാമിക്കാണ് മൂന്നാം സ്ഥാനം. നാഷ്ണല്‍ ഇന്‍ഷൂറന്‍സ് ക്രൈം ബ്യൂറോ ആണ് ഇത് സംബന്ധിച്ച റിപ്പോര്‍ട്ട് പുറത്തുവിട്ടത്.