ഫ്‌ളോറിഡ: അമേരിക്കന്‍ സന്ദര്‍ശനത്തിന്‌ എത്തിയ കേരളാ കോണ്‍ഗ്രസ്‌ (ലയന വിരുദ്ധ വിഭാഗം) സംസ്ഥാന സെക്രട്ടറി ജനറല്‍ ജോര്‍ജ്‌ സെബാസ്റ്റ്യന് ഫ്‌ളോറിഡയില്‍ സ്വീകരണം നല്‍കി. അവിഭക്ത കെ.എസ്‌.സി, യൂത്ത്‌ ഫ്രണ്ട്‌ തുടങ്ങിയ സംഘടനകളുടെ സംസ്ഥാന പ്രസിഡന്റുപദം അലങ്കരിച്ചിട്ടുള്ള ജോര്‍ജ്‌ സെബാസ്റ്റ്യന്, ഇരിക്കൂറില്‍ നിന്ന്‌ എല്‍.ഡി.എഫ്‌ സ്ഥാനാര്‍ത്ഥിയായി നിയമസഭയിലേക്ക്‌ മത്സരിച്ചിട്ടുണ്ട്‌. ഡോ. മാമ്മന്‍ സി. ജേക്കബിന്റെ അധ്യക്ഷതയില്‍ ചേര്‍ന്ന യോഗത്തില്‍ ആനന്ദന്‍ നിരവേല്‍, ജോയി കുറ്റിയാനി, ബിജോയി ഏബ്രഹാം, സജി സഖറിയാ, ജിജി നീലത്തുംമുക്കില്‍ തുടങ്ങിയവര്‍ പ്രസംഗിച്ചു. മഴക്കെടുതി മൂലം തകര്‍ന്ന കേരളത്തിലെ റോഡുകള്‍ ഉടന്‍ സഞ്ചാരയോഗ്യമാക്കുവാന്‍ നടപടി സ്വീകരിക്കണമെന്ന്‌ പ്രാസംഗികര്‍ ചൂണ്ടിക്കാട്ടി. ജോര്‍ജ്‌ സെബാസ്റ്റ്യന് മറുപടി പ്രസംഗം നടത്തി.
Comments