നാഷ്‌വിൽ (ടെന്നസ്സി) ∙ യുഎസ് ഇമ്മിഗ്രേഷൻ ആന്റ് കസ്റ്റംസ് എൻഫോഴ്സ്മെന്റ് ടെന്നസിയിൽ നിന്നും അനധികൃത കുടിയേറ്റക്കാരനെ അറസ്റ്റ് ചെയ്യുന്നതിനുള്ള ശ്രമം സമീപവാസികളും സുഹൃത്തുക്കളും മനുഷ്യ ചങ്ങല തീർത്ത് പരാജയപ്പെടുത്തി.

 

 

വാനിൽ സഞ്ചരിച്ചിരുന്ന ഇയാളെ പിന്തുടർന്ന് ഉദ്യോഗസ്ഥർ വാൻ നിർത്താൻ ആവശ്യപ്പെട്ടു. വാൻ നിർത്തിയ ഉടനെ ഇയാളെ അറസ്റ്റ് ചെയ്യുന്നതിനുള്ള ശ്രമം ഉദ്യോഗസ്ഥർ നടത്തികൊണ്ടിരിക്കെ, കാറിലിരുന്നു കൊണ്ട് സമീപവാസികളേയും സുഹൃത്തുക്കളേയും ഫോണിലൂടെ വിവരം അറിയിച്ചു. തുടർന്ന് എത്തിച്ചേർന്നവർ ഇയാളെ അറസ്റ്റ് ചെയ്യുന്നത് തടയുന്നതിന് വാനിനും ചുറ്റും കൂടി നിന്ന് മനുഷ്യചങ്ങല തീർത്തു. ഇതിനിടയിൽ വാനിൽ ഇരുന്നിരുന്ന യുവാവിനും മകനും ആവശ്യമായ ഭക്ഷണവും വാൻ സ്റ്റോപ് ചെയ്യാതെ റൺ ചെയ്യുന്നതിനാവശ്യമായ ഗ്യാസും വാങ്ങി നൽകി.

ജനങ്ങളുടെ പ്രതിരോധം ശക്തമായപ്പോൾ മണിക്കൂറുകൾ നീണ്ട നാടകം അവസാനിപ്പിച്ചു ഉദ്യോഗസ്ഥർ സ്ഥലം വിട്ടു.

 

കഴിഞ്ഞ 14 വർഷമായി എനിക്ക് ഇവരെ അറിയാം. പിതാവിനേയും മകനേയും വേർപിരിക്കുന്നതു എനിക്ക് സഹിക്കാവുന്നതിലും അധികം വേദന ജനിപ്പിക്കുന്നതാണ് മനുഷ്യചങ്ങലയിൽ ഞാനും പങ്കെടുക്കുന്നത് സമീപവാസിയായ ഫെലിഷേഡ പറഞ്ഞു.